འདི་ནི་མངོན་མིན་རིག་གནས་ཤུལ་བཞག་རྣམ་གྲངས་ཀྱི་ལྷོ་པའི་ཉེ་ཏུང་གི་གླུ་གཞས་རྒྱུན་འཛིན་པ་བཀྲ་ཤིས་ཀྱིས་འཁྲབ་སྟོན་བྱེད་བཞིན་པ།

ཉེ་བའི་ལོ་ཤས་རིང་། མེ་ཏོག་རྫོང་སྟག་མོ་ལྷོ་པ་མི་རིགས་ཤང་གིས་སྤོ་བོ་ནས་མེ་ཏོག་བར་གྱི་གཞུང་ལམ་དུམ་བུའི་སྐྱེ་ཁམས་མཛེས་ལྗོངས་ཧྲིལ་པོའི་གལ་ཆེའི་གནས་བབ་ལ་བརྟེན་ནས། “མི་འབོར་ཅུང་ཉུང་བའི་མི་རིགས་འཕེལ་རྒྱས་ཀྱི་དཔེ་སྟོན་ཤང་བསྐྲུན་རྒྱུའི”ངེས་གནས་ལ་དམ་པོར་དམིགས་ཏེ། ལྷོ་པའི་རིག་གནས་རྒྱུན་འཛིན་སྲུང་སྐྱོང་དང་སྔོག་འདོན་ཡག་པོ་བྱས་པ་དང་། རིག་གནས་སྒྲིག་བཀོད་འཛུགས་སྐྲུན་ལ་ཤུགས་སྣོན་དང་ལྷོ་པའི་མངོན་མིན་རིག་གནས་ཤུལ་བཞག་ཁྱབ་གདལ་གཏོང་བ་མཐའ་འཁྱོངས་ཀྱིས་རིག་གནས་ཐོན་ལས་འཕེལ་རྒྱས་ཀྱི་ཐབས་ལམ་གསར་པ་འཚོལ་ཞིབ་ཧུར་ཐག་བྱས་ཏེ་སྤུས་ཚད་མཐོ་བའི་རིག་གནས་ཀྱི“འཇམ་ཤུགས”ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ཀྱི“སྟོབས་ཤུགས”རྒྱུན་ཆད་མེད་པར་མངོན་པར་བྱས་ཡོད།

ལས་སྟེགས་གསར་གཏོད་དང་སྲུང་སྐྱོང་ལ་མཐོང་ཆེན་བྱས་ནས་རིག་གནས་ཀྱི་རྨང་གཞིའི་སྒྲིག་བཀོད་འཛུགས་སྐྲུན་ལ་སྐུལ་འདེད་བཏང་ཞིང་། ལྷོ་པའི་མང་ཚོགས་ཀྱི་བསམ་པའི་རིག་གནས་འཚོ་བ་ཕུན་སུམ་ཚོགས་སུ་གཏོང་ཆེད། སྟག་མོ་ལྷོ་པ་མི་རིགས་ཤང་ཏང་ཨུད་དང་སྲིད་གཞུང་གིས་འདུན་ཞུ་ཧུར་ཐག་བྱས་ཏེ་གྲོང་ཚོ་ཁག་ལ་2022ལོར་བྱེད་སྒོའི་ཐང་ཆེན་བརྒྱབ་པས། མང་ཚོགས་ཀྱི་བསམ་པའི་རིག་གནས་འཚོ་བ་སྔར་བས་ཕུན་སུམ་ཚོགས་སུ་ཕྱིན་པ་དང་ལྷོ་པའི་གླུ་གར་ཁྱབ་གདལ་གཏོང་བར་ལས་སྟེགས་ཡག་པོ་ཞིག་བཏོད་ཡོད། སྐྱེ་ཁམས་ཤེས་དཔལ་འཛུགས་སྐྲུན་ལ་སྐུལ་འདེད་གཏིང་ཟབ་བཏང་བ་དང་བསྟུན་ནས། སྟག་མོ་གྲོང་ཚོའི་ལྷོ་པ་རིགས་ཀྱི་མང་ཚོགས་བཀྲ་ཤིས་ཀྱིས་འབོད་སྐུལ་ལ་དང་ལེན་ཧུར་ཐག་ཞུས་ཏེ་རྔོན་རྒྱག་མཚམས་བཞག་པ་དང་གདོད་མའི་རི་དྭགས་རྔོན་སྟངས་ཉར་ཚགས་བྱ་ཆེད། བཀྲ་ཤིས་ཀྱིས་རང་ཁྱིམ་གྱི་ཁང་པ་ལྷོ་པའི་རིག་གནས་ཉམས་ལེན་ཁང་དུ་སྒྱུར་བཀོད་བྱས་པ་དང་དེའི་ནང་དེ་སྔའི་རི་དྭགས་རྔོན་དུས་ཀྱི་སྲོག་ཆགས་ཀྱི་པགས་པ་དང་། དེ་བཞིན་དེ་སྔའི་རི་དྭགས་རྔོན་བྱད་ཉར་ཚགས་བྱས་ནས་དེ་སྔའི“རི་ཁའི་ལྟོ་རྟེན་རི”ཡི་ལྷོ་པའི་གདོད་མའི་རྣམ་པ་མངོན་པར་བྱས་ཡོད།

རྒྱུན་མཐུད་ལ་སྣང་ཆེན་དང་རྒྱུན་འཛིན་ལ་མཐོང་ཆེན་བྱས་ནས་རིག་གནས་རྒྱུན་འཛིན་པ་གསོ་སྐྱོང་བྱས་ཤིང་། གྲོང་ཚོ་ཁག་གི་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞིས་ཤང་རིག་གནས་ཡུལ་སྐོར་ཞབས་ཞུ་ལྟེ་གནས་ལ་གཞོགས་འདེགས་བྱས་ནས་གླུ་ལེན་གར་འཁྲབ་ལ་མཁས་པའི་བུད་མེད་བདམས་ཏེ་གྲོང་ཚོ་རིམ་པའི་རིག་རྩལ་རུ་ཁག་བཙུགས་པ་མ་ཟད། ཞིང་དལ་གྱི་དུས་ཚོད་གང་ལེགས་སྤྱད་དེ་ལྷོ་པའི་གླུ་གར་སྒྲིག་བཟོ་དང་ནང་སྦྱོང་བྱས་པ་དང་གྲོང་ཚོ་ཁག་ཚང་མས་ཐུན་མོང་མ་ཡིན་པའི་ཞབས་བྲོ་1ནས་2བར་སྒྲིག་བཟོ་དང་ནང་སྦྱོང་བྱས་པ་རེད། སྟག་མོ་ལྷོ་པ་མི་རིགས་ཤང་གིས་རིག་གནས་རྒྱུན་འཛིན་པ་གསོ་སྐྱོང་ལ་མཐོང་ཧ་ཅང་ཆེན་པོ་བྱེད་ཀྱི་ཡོད། མིག་སྔར་ལྷོ་པའི་ཉེ་ཏུང་གི་གླུ་གཞས་དང་ལྷོ་པའི་རོལ་ཆ“པིན་པང”གི་རིག་གནས་རྒྱུན་འཛིན་པ་1དང་དགེ་ཕྲུག་2ཤེས་རྟོགས་བྱུང་བ་རེད། ངོ་སྤྲོད་བྱས་པར་གཞིགས་ན། “བརྒྱུད་རོགས་ཁྲིད”གསུམ་གྱི་ཐབས་ལམ་ལ་བརྟེན་ནས་ལྷོ་པའི་རིག་གནས་རྒྱུན་འཛིན་ཐད་འགྲན་སློབ་སྙེག་བརྒལ་གྱི་རྣམ་པ་བཏོད་དེ་ལྷོ་པའི་སྲོལ་རྒྱུན་རིག་གནས་རྒྱུན་འཛིན་ཡག་པོ་བྱེད་བཞིན་ཡོད་པ་རེད།

དྲིལ་བསྒྲགས་ཀྱི་ཐབས་ལམ་མང་པོར་མཐོང་ཆེན་བྱས་ནས་མུ་མཐུད་ལྷོ་པའི་རིག་གནས་ཁྱབ་གདལ་ཡག་པོ་བཏང་ཞིང་། ཡུལ་སྐོར་བའི་དགོས་མཁོར་དམིགས་ནས་ཏང་འཛུགས་སྐྱོང་ཞབས་ཞུའི་ལས་སྟེགས(ཡུལ་སྐོར་བློ་འདྲིའི་ལས་སྟེགས)གཉིས་དང་ཏང་འཛུགས་སྐྱོང་གི་ཞིང་ལས་ཀྱི་ཁྱད་ལྡན་ཐོན་རྫས་ཕྱིར་ཚོང་རླངས་འཁོར་གཅིག་བཀོད་སྒྲིག་བྱས་ཏེ་མེ་ཏོག་གི་ཡུལ་སྐོར་མཛེས་ལྗོངས་ཁུལ་ངོ་སྤྲོད་མདོར་བསྡུས་དང་། ཡུལ་སྐོར་བདེ་འཇགས་ཤེས་བྱའི་དྲིལ་བསྒྲགས་ལག་དེབ། ཉི་གདུགས། མྱུར་སྐྱོབ་སྒམ་སོགས་དངོས་པོ་རིན་མི་དགོས་པར་མཁོ་འདོན་བྱས་པ་མ་ཟད། ཡུལ་སྐོར་བར་ལྷོ་པའི་མི་རིགས་ཀྱི་གྱོན་ཆས་ཉམས་ལེན་བྱེད་པའི་རྣམ་གྲངས་ཀྱང་བཏོད་ཡོད། ཁྱུག་དབྱིངས་སོགས་སྨྱན་སྦྱོར་གསར་པའི་ལས་སྟེགས་དང་གཞི་རིམ་གྱི་ཏང་འཛུགས་སྐྱོང་ཞབས་ཞུའི་ལས་སྟེགས་སྤྱད་དེ་སྟག་མོའི་ལྷོ་པའི་ཁྱད་ལྡན་རིག་གནས་དང་། ལྷོ་པའི་རྒྱན་གོས། ལྷོ་པའི་ཞིམ་ཟས། ཐོན་སྐྱེད་དང་འཚོ་བའི་གོམས་སྲོལ་སོགས་ཀྱི་ནང་དོན་ངོ་སྤྲོད་བྱས་ཏེ་སྟག་མོ་ལྷོ་པ་མི་རིགས་ཤང་གི་སྐད་གྲགས་ཆོད་ཚད་མཐོ་རུ་ཧུར་ཐག་བཏང་བ་རེད།