གཙང་ལ་བསྟོད་པ།
སྐྱིད་པོ་གཙང་གི་ལུང་པ། །
ཕ་ཡུལ་ཡིན་པས་དགའ་བྱུང་། །
བློ་རིག་རྒོད་པའི་གཙང་ཕྲུག །
ཤེས་བརྩོན་གཞོན་ནུའི་མིག་དཔེ། །
མཐོང་སྨོན་ཤེས་རིག་དར་ས། །
ས་སྐྱ་མཁས་པའི་འབྱུང་གནས། །
རྒྱལ་རྩེ་འབྲུ་དྲུག་འཛོམས་པ། །
གཙང་ཡུལ་མཛེས་པའི་རྒྱན་རེད། །
མཛེས་པའི་ཟོན་པ་ལྷམ་དང་། །
སྤུས་ལྡན་ཤད་མ་སྤུ་ཕྲུག །
ཚགས་ལེགས་གསེར་དངུལ་རྒྱན་ཆས། །
ལག་ཤེས་དར་བའི་གཙང་ཡུལ། །
ཇོ་མོ་གླང་མའི་ཕ་ཡུལ། །
མྱང་ཆུ་གཙང་པོའི་བཞུར་ཡུལ། །
མཁས་དབང་མང་པོའི་འཁྲུངས་ཡུལ། །
ང་ཚོ་གཙང་ལ་ཡོད་དོ། །
ཤེས་རིག་ལས་ལ་བརྩོན་པ། །
ཇ་ཆང་ལོངས་སྤྱོད་འཛོམས་པ། །
གཙང་གི་སྟག་ཤར་སྨན་ཆུང་། །
མི་ཚེ་སྐྱིད་ལ་རོལ་སོང་། །
མི་ཆོས་རིག་གནས་དར་བ། །
དཀའ་སྤྱད་ལས་བརྩོན་ཆེ་བ། །
སེམས་བཟང་གཙང་གི་མི་རྒྱུད། །
བོད་ཡུལ་མཛེས་པའི་རྒྱན་རེད། །