ཟླ་ཤས་བསྟུད་མར། རྒྱལ་ཡོངས་སྲིད་གྲོས་ཀྱི་རྒྱུན་ཨུ་དང་། ཀྲུང་གོ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ། ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ཀྱི་ཚོགས་གཙོ་བཅས་ཡིན་པའི་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོས་ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་སུ་རྒྱུན་གཏན་གྱི་འགན་སྒྲུབ་ཕྱག་ལས་གནང་བ་དང་ལྷ་སར་བརྟག་ཞིབ་དང་ཆོས་ཕྱོགས་ཀྱི་མཛད་སྒོ་སྤེལ་ནས། བོད་བརྒྱུད་ནང་བསྟན་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བར་སྐུལ་འདེད་བཏང་གནང་བ་རེད།

ཟླ་9ཚེས་3ཉིན། ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ལས་འཛིན་ལྷན་ཚོགས་སྐབས་བཅུ་གཉིས་པའི་ཚོགས་འདུ་ཐེངས་དང་པོ་ལྷ་སར་འཚོགས་ཤིང་། པཎ་ཆེན་རིན་པོ་ཆེ་འདེམས་ཤོག་ཆ་ཚང་ཐོག་ནས་ཚོགས་གཙོར་བདམས་ཐོན་བྱུང་བ་རེད།

ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ཀྱི་ལྗོངས་ཡོངས་ཀྱི་འཐུས་མི་ཚོགས་ཆེན་ཐེངས་བཅུ་གཉིས་པའི་ཐོག་པཎ་ཆེན་རིན་པོ་ཆེས་ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ལས་འཛིན་ལྷན་ཚོགས་སྐབས་བཅུ་གཅིག་པའི་ཚབ་ཞུས་ནས་ལས་དོན་སྙན་སྒྲོན་གནང་ཞིང་། ཁོང་གིས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་དེ་བས་མཐུན་སྒྲིལ་དམ་ཟབ་བྱས་ཏེ། བློ་བརྟན་འགྱུར་མེད་ངང“གཏན་འཁེལ་གཉིས”སྲུང་སྐྱོང་དང་། “སྲུང་སྐྱོང་གཉིས”མཐའ་གཅིག་ཏུ་ཐུབ་པ། དགོངས་དོན་གྱི་ངོ་བོར་གོ་བ་གཏིང་ཟབ་བླངས་ནས་དགོངས་པ་གསར་པ་ལག་བསྟར། དགོན་སྡེའི་ཞི་མཐུན་བརྟན་ལྷིང་སྲུང་སྐྱོང་བྱས་ནས་དུས་རབས་གསར་པར་བྱས་རྗེས་འཇོག་པ། “འདུ་ཤེས་གསུམ”གྱི་སློབ་གསོ་ཟབ་ཏུ་བཏང་ནས་ཐབས་ལམ་གསར་པ་གཏོད་པ། ཕྱོགས་ཡོངས་ནས་ཆོས་ལུགས་ནན་པོས་སྐྱོང་བར་སྐུལ་འདེད་བཏང་ནས་རྣམ་པ་གསར་པ་གཏོད་པ། བསྟན་དོན་དགོངས་འགྲེལ་ལས་དོན་བརྟན་དུ་བཏང་ནས་གནམ་ས་གསར་པར་སྐྱོད་པ། རང་ངོས་འཛུགས་སྐྱོང་ལ་ཤུགས་སྣོན་ཏན་ཏིག་བརྒྱབ་ནས་མུ་མཐུད་ལེའུ་གསར་པ་རྩོམ་པ། བོད་བརྒྱུད་ནང་བསྟན་ཀྲུང་གོ་ཅན་ལ་བརྒྱུད་རིམ་ལྡན་པའི་ངང་སྐུལ་འདེད་གཏོང་བའི་དུས་རབས་གསར་པའི་ཆོས་ལུགས་ལས་དོན་གྱི་གཙོ་གནད་ལས་འགན་ལ་དམིགས་པ་བཅས་བྱས་ཏེ། ཏན་ཏན་ཏིག་ཏིག་དང་དངོས་འཛིན་དངོས་སྒྲུབ་ཀྱིས“དོན་ཆེན་བཞི”དང“འཛུགས་གཏོད་བཞིར”རམ་འདེགས་ཧུར་ཐག་བྱས་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་ཕྱོགས་ཡོངས་ནས་འཛུགས་སྐྲུན་བྱ་ཆེད་སྟོབས་ཤུགས་སྐྱེས་སུ་འབུལ་དགོས་པའི་ནན་བཤད་གནང་བ་རེད།

ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་བོད་བརྒྱུད་ནང་བསྟན་གྱི་བསྟན་དོན་དགོངས་འགྲེལ་སྤེལ་རེས་ཚོགས་འདུ་སྐབས་དགུ་པའི་ཐོག་པཎ་ཆེན་རིན་པོ་ཆེས། ནང་བསྟན་ཀྲུང་གོར་ནམ་ཡང་འགྱུར་ལྡོག་མི་འགྲོ་བ་ཞིག་མིན། འཕེལ་རྒྱས་དང་འགྱུར་ལྡོག་མེད་ན། ད་ཆའི་ཀྲུང་གོའི་ནང་བསྟན་མེད་ལ། ད་ཆའི་བོད་བརྒྱུད་ནང་བསྟན་ཡང་ཡོད་མི་སྲིད། བསྟན་དོན་དགོངས་འགྲེལ་ནི་བོད་བརྒྱུད་ནང་བསྟན་སྤྱི་ཚོགས་འཕེལ་རྒྱས་དང་ཡར་ཐོན་གྱི་བླང་བྱ་དང་འཚམ་པའི་ཐབས་ལམ་གལ་ཆེན་ཞིག་རེད་ལ། བོད་བརྒྱུད་ནང་བསྟན་ཀྲུང་གོ་ཅན་གྱི་བྱ་ཐབས་ནུས་ལྡན་ཞིག་ཀྱང་རེད། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་བོད་བརྒྱུད་ནང་བསྟན་ཀྲུང་གོ་ཅན་ལ་བརྒྱུད་རིམ་ལྡན་པའི་ངང་སྐུལ་འདེད་བཏང་ནས། བོད་བརྒྱུད་ནང་བསྟན་གྱི་བསྟན་དོན་དགོངས་འགྲེལ་གྱི་ནུས་པ་དང་ཆུ་ཚད་མཐོ་རུ་ཧུར་ཐག་གཏོང་དགོས་ཞེས་གསུངས་པ་རེད།

ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ཀྱིས“འདུ་ཤེས་གསུམ”གྱི་སློབ་གསོ་གཏིང་ཟབ་སྤེལ་བའི་བཞུགས་མོལ་ཚོགས་འདུའི་ཐོག པཎ་ཆེན་རིན་པོ་ཆེས་རྒྱལ་ཁབ་ཀྱི་འདུ་ཤེས་ལ་ཤུགས་སྣོན་བརྒྱབ་ནས་བོད་བརྒྱུད་ནང་བསྟན་དུས་རབས་གསར་པའི་རྒྱལ་གཅེས་ཀྱི་དཔེ་མཚོན་དུ་འགྱུར་བར་བྱེད་དགོས་པ་དང་། སྤྱི་དམངས་ཀྱི་འདུ་ཤེས་ལ་ཤུགས་སྣོན་བརྒྱབ་ནས་བོད་བརྒྱུད་ནང་བསྟན་སྤྱི་ཚོགས་རིང་ལུགས་ཀྱི་བོད་གསར་ནང་ཞུགས་མཁན་དང་འཛུགས་སྐྲུན་པ་ཞིག་ཏུ་འགྱུར་བར་བྱེད་དགོས་པ། ཁྲིམས་སྐྱོང་གི་འདུ་ཤེས་ལ་ཤུགས་སྣོན་བརྒྱབ་ནས་བོད་བརྒྱུད་ནང་བསྟན་བཅའ་ཁྲིམས་ལ་སྲུང་བརྩི་ཞུ་མཁན་གྱི་མིག་དཔེར་འགྱུར་བར་བྱེད་དགོས་པའི་ནན་བཤད་གནང་བ་རེད།

དེའི་རིང་། པཎ་ཆེན་རིན་པོ་ཆེས་ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ཀྱི་2024ལོའི་ཚོགས་གཙོའི་གཞུང་ལས་ཚོགས་འདུ་ཐེངས་2པ་དང་3པ་དང་། ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ལས་འཛིན་ལྷན་ཚོགས་སྐབས་བཅུ་གཅིག་པའི་ཚོགས་གཙོའི་ཚོགས་འདུ་ཐེངས་12པ། ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ལས་འཛིན་ལྷན་ཚོགས་སྐབས་བཅུ་གཉིས་པའི་ཚོགས་གཙོའི་ཚོགས་འདུ་ཐེངས་དང་པོ་བཅས་གཙོ་སྐྱོང་གནང་ནས། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་མཛུབ་སྟོན་གལ་ཆེན་གྱི་དགོངས་དོན། རང་སྐྱོང་ལྗོངས་ཏང་ཨུད་སྐབས་བཅུ་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན། ཧྲུའུ་ཅི་ཝང་ཅུན་ཀྲེང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་བཅས་བརྒྱུད་བསྒྲགས་དང་སློབ་སྦྱོང་གནང་སྟེ། ཆབ་སྲིད་ཀྱི་རིགས་པའི་གཞུང་ལུགས་སློབ་སྦྱོང་ལ་ཕྱོགས་ཡོངས་ནས་ཤུགས་སྣོན་རྒྱག་པ་དང་རང་ངོས་འཛུགས་སྐྱོང་ལ་མུ་མཐུད་དམ་འཛིན་ཡག་པོ་བྱས་ནས་ཀྲུང་གོ་ནང་བསྟན་མཐུན་ཚོགས་བོད་ཡན་ལག་མཐུན་ཚོགས་ཀྱི་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་གནང་བ་རེད།

དེའི་རིང་། པཎ་ཆེན་རིན་པོ་ཆེས་ལྷ་ས་གྲོང་ཁྱེར་ལྷོ་རི་སྤྱི་གླིང་དུ་རྟོག་ཞིབ་གནང་ནས་ལྷོ་རི་བྱང་རིའི་སྔོ་འགྱུར་ལས་གྲྭའི་ལས་དོན་སྙན་སེང་གསན་པ་དང་ལྷོ་རི་སྤྱི་གླིང་འཛུགས་སྐྲུན་གྱི་གྲུབ་འབྲས་ཐོབ་པའི་ཉམས་མྱོང་མཁྱེན་རྟོགས་གནང་བ་རེད། རྒྱལ་ཡོངས་སྲིད་གྲོས་ཀྱི་ཀྲུང་གུང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སྒྲོག་འགྲེལ་སྙན་ཞུའི་ཚོགས་འདུ་དང“བོད་ཀྱི་མི་ཚང་མ་བདེ་ཐང་ཡོང་བའི”ཡོན་ཧྲི་དང་རིགས་གཅིག་མཁས་ཅན་བོད་དུ་བསྐྱོད་ནས་འོས་འགན་སྨན་བཅོས་བྱེད་སྒོ་སྐབས་གསུམ་པའི་འགོ་ཚུགས་མཛད་སྒོར་ཞུགས་པ་རེད།

དེའི་རིང་། པཎ་ཆེན་རིན་པོ་ཆེས་ལྷ་ས་གྲོང་ཁྱེར་ཀུན་བདེ་གླིང་དགོན་དུ་ཕེབས་ནས་ཆོས་ཕྱོགས་ཀྱི་མཛད་སྒོ་སྤེལ་ཞིང་། ཀུན་བདེ་གླིང་དགོན་གྱིས་ཆོས་ལུགས་ཀྱི་གུས་སྲོལ་ཟབ་ཤོས་ཐོག་ནས་པཎ་ཆེན་རིན་པོ་ཆེར་ཕེབས་བསུ་ཞུས་པ་རེད། པཎ་ཆེན་རིན་པོ་ཆེས་དགེ་འདུན་པ་ཚོར་ཞལ་འདོན་དབུ་སྐུལ་གནང་སྟེ་ཆར་ཆུ་དུས་སུ་བབས་པ་དང་རྒྱལ་དམངས་བདེ་ལ་འཁོད་པའི་ཐུགས་སྨོན་གནང་བ་རེད། པཎ་ཆེན་རིན་པོ་ཆེས་ད་དུང་བོད་ལྗོངས་ནང་བསྟན་སློབ་གླིང་དུ་བཀའ་ཆོས་དང་ཕྱག་དབང་ཡང་གནང་བ་རེད།

རང་སྐྱོང་ལྗོངས་ཀྱི་འགོ་ཁྲིད་ལིའུ་ཅང་དང་། བསོད་ནམས་ཉི་མ། ལྕགས་རྭ་བློ་བཟང་བསྟན་འཛིན། ཞུས་ཀྲེ་ཐའོ། སྒྲུབ་ཁང་ཐུབ་བསྟན་མཁས་གྲུབ་བཅས་འབྲེལ་ཡོད་བྱེད་སྒོར་ཞུགས་ཡོད་པ་རེད།