ཕུགས་བསམ།
བློ་གྲོས་ཀྱི་གཡུ་རལ་དེ་ངོམ་ཞིང་།
གསར་གཏོད་ཀྱི་སྟོབས་ཤུགས་ཤིག་བསྐྱེད་དེ།
མུ་མཐའ་མེད་པའི་མཁའ་དབྱིངས་སུ་ཕྱོགས་ནས།
མཚར་སྡུག་གི་གཤོག་རྩལ་དེ་ངོམ་ནས་འཕུར་ཅིག
རང་གི་ཐོག་མའི་ཕུགས་བསམ་གྱི་ཆེད་དུ་འཕུར་ཅིག
གཤོག་ཟུང་དལ་གྱིས་བརྐྱངས་ནས།
ཕུགས་བསམ་གྱི་འཇིག་རྟེན་དུ་འཕུར་དང་།
ཕུགས་བསམ་དེ་མངོན་འགྱུར་ཐུབ་ཆེད།
རླུང་འཚུབ་དང་དྲག་ཆར་གྱི་འཇིགས་པར་དཔའ་མ་ཞུམ་པར།
སྤྲིན་ནག་དང་གློག་ཞགས་ཀྱི་བར་ཆད་ལ་ཇི་མི་སྙམ་པར།
འཕུར་ཅིག རང་ནུས་ཡོད་རྒུ་བཏོན་ནས་འཕུར་ཅིག
གསར་སྐྱེས་ཀྱི་གཞོན་ནུ་རྣམ་པ།
དུས་རབས་ཀྱི་རྗེས་སུ་རྒྱུགས་ཤིག
འཆམ་མཐུན་གྱི་སྤྱི་ཚིགས་འདིའི་ནང་།
ལང་ཚོའི་གཤོག་རྩལ་ངོམ་ཞིག
ཐེ་ཚོམ་དང་ཕྱིར་བཤོལ་སྤངས་ནས།
ཕུགས་བསམ་གྱི་ནམ་མཁའ་སྔོན་པོར།
འཇའ་འོད་ཀྱི་གུར་ཁང་ཕུབ་པར་འབུངས་ཤིག