བོད་རང་སྐྱོང་ལྗོངས་ཏང་ཨུད་དྲིལ་བསྒྲགས་པུའི་རྒྱབ་སྐྱོར་ཤུགས་ཆེན་འོག བོད་རང་སྐྱོང་ལྗོངས་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་དང་། ཀྲུའུ་ཧའེ་གྲོང་ཁྱེར་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས། བོད་ལྗོངས་སྣུམ་ཚོན་རི་མོ་རིག་གཞུང་སློབ་ཚོགས་བཅས་ཀྱིས་གཙོ་གཉེར་བྱས་ཤིང་། ཀྲུའུ་ཧའེ་དམིགས་བསལ་ས་ཁུལ་རི་མོ་ཁང་དང་། ཀྲུའུ་ཧའེ་གྲོང་ཁྱེར་མཛེས་རྩལ་པའི་མཐུན་ཚོགས། ཧྥུང་ཧོང་སྒྱུ་རྩལ་གྲོང་མཛེས་རྩལ་ཁང་བཅས་ཀྱིས་གཉེར་བའི“དགུང་སྔོན་སྤྲིན་དཀར—གངས་ལྗོངས་ས་མཐོའི་སྣུམ་ཚོན་རི་མོའི་བརྩམས་ཆོས་སྐོར་སྐྱོད་འགྲེམས་སྟོན”གྱི་བྱེད་སྒོ་2024ལོའི་ཟླ་8ཚེས་24ཉིན་ནས་ཟླ་9ཚེས་7ཉིན་བར་དང་། ཟླ་10ཚེས་27ཉིན་ནས་ཟླ་11ཚེས་22ཉིན་བར་ཀྲུའུ་ཧའེ་དང་ཝུའུ་ཤིས་ས་གནས་གཉིས་སུ་སྤེལ་རྒྱུ་རེད།

ད་ཐེངས་ཀྱི་འགྲེམས་སྟོན་ནང་བོད་ལྗོངས་སྣུམ་ཚོན་རི་མོ་རིག་གཞུང་སློབ་ཚོགས་ཀྱི་རྒན་དར་གཞོན་གསུམ་གྱི་སྣུམ་ཚོན་རི་མོ་མཁས་ཅན་45ཡི་འཐུས་ཚབ་བརྩམས་ཆོས་82དང་ཀྲུའུ་ཧའེ་གྲོང་ཁྱེར་མཛེས་རྩལ་པའི་མཐུན་ཚོགས་ཀྱི་སྒྱུ་རྩལ་མཁས་ཅན་9ཡི་བོད་ཀྱི་བརྗོད་དོན་གཙོ་བོའི་བརྩམས་ཆོས་8བདམས་ཡོད།

ད་ཐེངས་ཀྱི་འགྲེམས་སྟོན་ནི། 2023ལོར་ཨའོ་མོན་དུ“བོད་ཀྱི་སྣུམ་ཚོན་རི་མོ་ཨའོ་མོན་དུ་འགྲེམས་སྟོན་ཐེངས་དང་པོ”བྱས་རྗེས་ལྗོངས་ཕྱིར་སྤེལ་བའི་བོད་ཀྱི་དེང་རབས་ཀྱི་མཛེས་རྩལ་བརྩམས་ཆོས་སྐོར་སྐྱོད་འགྲེམས་སྟོན་གྱི་བྱེད་སྒོ་གཞན་ཞིག་ཡིན་ཞིང་། སྣུམ་ཚོན་རི་མོའི་སྒྱུ་རྩལ་གྱི་ཕུན་སུམ་ཚོཌ་པའི་མཚོན་ཚུལ་བརྒྱུད། དུས་རབས་གསར་པའི་མཛེས་སྡུག་དང་བདེ་སྐྱིད་ལྡན་པའི་བོད་ལྗོངས་དང་། ས་མཐོའི་མི་རིགས་ཁག་གི་བུ་ཕྲུག་ཚོའི་འཚོ་བའི་འཕོ་འགྱུར། སེམས་ཁམས་ཀྱི་འཇིག་རྟེན་བཅས་མངོན་པར་བྱས་ཡོད།