པད་མ་གླིང་གི་མཛའ་གཞས།
སྒྲུབ་མཚོའི་སྤང་ལྗོངས་སྟེང་ལ། །
ཨུཏྤལ་ཞལ་ཁ་ཕྱེ་བྱུང་། །
ལས་འཕྲོ་ཅན་གྱི་བུ་མོ། །
མེ་ཏོག་འཐུ་བར་ཕེབས་ཤོག །
པད་གླིང་གཡུ་མཚོའི་འགྲམ་ནས། །
བ་ལུའི་མེ་ཏོག་བཞད་བྱུང་། །
ཆུང་འདྲིས་ཟླ་བ་གཞོན་ནུ། །
སྙིང་གཏམ་ཤོད་པར་ཕེབས་ཤོག །
ཆུང་འདྲིས་མཛེས་མས་བསྐུར་བའི། །
ཡིག་ཆུང་སེམས་ཀྱི་སྨན་མཆོག །
མེ་ཏོག་འགྲམ་དུ་ཀློག་པས། །
ལས་འཕྲོའི་གཡུ་སྦྲང་འཁོར་བྱུང་། །
ཁྱེད་ལ་བཅངས་པའི་བརྩེ་བ། །
པད་གླིང་མཚོ་ལས་ཟབ་ཡོད། །
མཁའ་རི་དཔང་པོར་བཞག་ནས། །
དབུ་མནའ་བཞེས་རོགས་གནང་དང་། །
དྭངས་གཙང་མཚོ་མོའི་འགྲམ་ནས། །
སེམས་ཀྱི་བརྩེ་འཕྲིན་བསྐུར་ཡོད། །
སེར་བྱ་ལས་འཕྲོ་ཅན་གྱིས། །
ཐུགས་ལ་བཞག་རོགས་གནང་དང་། །