འདི་ནི་མཉམ་སྒྲོག་རོལ་དབྱངས《ལེ་དབར་སྟོང་གི་རི་ཀླུང》འཁྲབ་སྟོན་བྱེད་བཞིན་པ།

ཚེས་25ཉིན་གྱི་དགོང་མོར། བོད་ཀྱི་རིག་གནས་སྒྱུ་རྩལ་དུས་ཆེན་སྐབས་གཉིས་པའི་མཉམ་འགུལ་བྱེད་སྒོ་སྟེ། མཉམ་སྒྲོག་རོལ་མོའི་སྙན་ངག《ལེ་དབར་སྟོང་གི་རི་ཀླུང》ཞེས་པ་བོད་ལྗོངས་ཟློས་གར་ཁང་ཆེན་དུ་འཁྲབ་སྟོན་བྱས་པ་རེད།

མཉམ་སྒྲོག་རོལ་དབྱངས《ལེ་དབར་སྟོང་གི་རི་ཀླུང》ཞེས་པ་ནི་སུང་རྒྱལ་རབས་བྱང་མའི་རི་མོ་མཁས་ཅན་ཝང་ཞི་མོང་གི་དར་བྲིས་ཚོན་རྩིའི་ཡུལ་ལྗོངས་རི་མོ《ལེ་དབར་སྟོང་གི་རི་ཀླུང》གསར་རྩོམ་གྱི་དཔེ་གཞིར་བྱས་ཤིང་། ཀྲུང་གོ་རོལ་དབྱངས་མཁས་ཅན་མཐུན་ཚོགས་མཉམ་སྒྲོག་རོལ་དབྱངས་ཚོགས་པའི་མནའ་འབྲེལ་གྱི་ཀྲུའུ་ཞི་དང་བཀོད་འདོམས་པ་ཡུས་ལུང་གིས་གྲོས་འགོ་བཏོན་ནས་དར་སྤེལ་བཏང་བ་དང་། གཞས་གདངས་རྩོམ་མཁན་ཀྲའོ་ལིན་གྱིས་གཞས་གདངས་བརྩམས་ནས། མནའ་འབྲེལ་གྱི་ཁོངས་མིའི་ཚན་པར་མཉམ་དུ་གསར་རྩོམ་བྱེད་པར་མངགས་བཅོལ་དང་འབོད་སྐུལ་བྱས་ཤིང་། དེ་ལས་ཀྲུང་གོའི་རི་མོའི་སྒྱུ་རྩལ་གྱི་དོན་བྲིས་རི་མོའི་མཛེས་པ་དང་། ལེ་དབར་སྟོང་གི་རི་ཀླུང་གི་བརྗིད་ཉམས་ལྡན་པའི་མཛེས་ལྗོངས་མངོན་ཡོད་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་མཉམ་སྒྲོག་རོལ་མོའི་སྙན་ངག་ནི་རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར་ཁག་ནས་ཡོང་བའི་རོལ་དབྱངས་མཁས་ཅན་དང་བོད་ཀྱི་རོལ་དབྱངས་མཁས་ཅན་ལས་གྲུབ་པའི་ཀྲུང་གོ་རོལ་དབྱངས་མཁས་ཅན་མཐུན་ཚོགས་མཉམ་སྒྲོག་རོལ་དབྱངས་ཚོགས་པའི་མནའ་འབྲེལ་ཏེ། ལྷ་སའི་དུས་ཆེན་རོལ་དབྱངས་ཚོགས་པས་འཁྲབ་སྟོན་བྱས་པ་ཞིག་རེད།