སློབ་ཐོན་གྱི་གཏམ།
འདི་རུ། ལས་དབང་གཅིག་དང་།
དགོས་པ་གཅིག་གིས།
གཞན་ཡུལ་གཅིག་ཏུ།
འཛོམ་ཐེངས་གཅིག་དང་།
འགྲོགས་ཐེངས་གཅིག་རེད།
འདི་ལས། དང་བ་ཞིག་དང་།
དུང་བ་ཞིག་གིས།
རིག་གཞུང་ཞིག་ལ།
བརྩེ་བ་ཞིག་དང་།
ཆགས་ཞེན་ཞིག་སྐྱེས།
འདི་ནས། མཆེད་གྲོགས་འདི་ཚོས།
དམིགས་པ་གཅིག་ཏུ།
དད་པ་ཞིག་དང་།
བརྩོན་པ་ཞིག་གིས།
རྣམ་ཐར་ཞིག་བསྐྱངས།
འདི་རུ། དགའ་བ་ཞིག་དང་།
སྐྱོ་བ་ཞིག་གིས།
དུས་ཚིགས་ཤིག་ལ།
ཕྱིར་དྲན་ཞིག་དང་།
བསྡོམས་ཚིག་ཅིག་བཀོད།
འདི་རུ། རེ་བ་ཞིག་དང་།
ལྷག་བསམ་ཞིག་གིས།
འབྲས་ལྡན་ཞིག་ལ།
འབྲས་བུ་ཞིག་ཆེད།
གོམ་པ་གཅིག་སྤོས།
མདོར་ན། འདི་ནི་བྱིས་དུས་ཀྱི་རྨི་ལམ་ཙམ།
འདི་ནི་གཞོན་དུས་ཀྱི་ལང་ཚོ་འོ།
འདི་ནི་རྒས་དུས་ཀྱི་དྲན་གསོ་འོ།
འདི་ནི་མི་ཚེ་ཡི་གྲིབ་གཟུགས་སོ།