༄༅།། བཙས་གཞས།
བཙས་མ་རྔ་བའི་སྐབས་ལ། །
བྱང་གི་འབྲོག་མོ་སྐྱིད་པ། །
བཙས་མ་བཙས་ཐག་ཆོད་ན། །
འབྲོག་མོ་སྐྱིད་རྒྱུ་མི་འདུག །
བཙས་མ་བརྔས་དང་བརྔས་ཆོག །
རྔ་ཕྱོགས་བདེ་པོ་མི་འདུག །
རྔ་ཕྱོགས་བདེ་པོ་མེད་ན། །
རྩེ་མོའི་དབུ་ནས་ཞུས་ཆོག །
གཡས་པ་གཡས་ནས་ཁྱོག་ཤོག །
གཡོན་པ་གཡོན་ནས་ཁྱོག་ཤོག །
གཡས་གཡོན་གཉིས་ནས་བཀྱཌ་ན། །
ལྕམ་ལས་གདུང་མ་ཡང་བ། །
བཙས་མ་འདི་ནས་བརྔས་ཏེ། །
མྱང་སྟོད་གཞུང་ལ་ཕྱིན་ཆོག །
མྱང་སྟོད་རི་ཞིང་ཆེ་མོའི། །
བཙས་མ་ལངས་གྲབས་ཡོད་འགྲོ །
ཆུང་དུས་ལས་ལ་མ་སྦྱངས། །
མང་པོའི་དཀྱིལ་དུ་སྐྱོ་བྱུང་། །
ལས་ལ་བྱང་པོ་བྱུང་ན། །
སྐྱོ་རྒྱུ་རང་ད་མི་འདུག །
གཡའ་དང་སྤང་གི་མཚམས་ནས། །
གོང་མོས་སྐྱོ་གླུ་བཏང་བྱུང་། །
གོང་མོ་ཁྱོད་ཀྱང་བདེན་པ། །
ང་ཡང་ཨ་མ་དྲན་བྱུང་། །
ལས་མོ་འདི་ཚོ་དྲག་ག །
བསམ་བློའི་གཏོང་ཕྱོགས་ཡིན་པ། །
དེ་ལས་བསམ་ཡས་གཞུང་གི །
མི་རྟག་འཆི་བ་སྡུག་ག །
ལུང་པ་ཞེ་སྡང་ཆེ་ལ། །
ཡབ་ཡུམ་སྐུ་ཚེ་ཐུང་བ། །
ང་རང་སྤུན་མཆེད་གཉིས་པོ། །
ལས་ལ་ཧུར་སྐྱེད་སྐྱེད་ཤོག །
ཡུལ་མཆོག་པད་མ་ཅན་གྱི །
སྤྱོད་ལེན་ཟླ་བ་བཟང་པོ། །
ཟླ་བ་བཟང་པོའི་འཁྲུངས་ས། །
དབྱིངས་ས་ཆོས་ཀྱི་ཕོ་བྲང་། །
ཕོ་བྲང་དམར་པོའི་གྲིབ་སོ། །
ལྕང་གསེབ་ཤར་ལ་ཕོག་སོང་། །
ད་ལོ་ལྕང་གསེབ་ཤར་ལ། །
ཡར་རྒྱས་ཡོང་བ་ཡོད་དོ། །
ང་རང་གཅིག་པུ་ཡིན་ན། །
པད་མ་བཀོད་ལ་ཕྱིན་ཆོག །
ཡབ་ཡུམ་རྒན་རྒོན་བཞག་ནས། །
པད་མ་བཀོད་ཀྱིས་གང་ཡོང་། །
ཡང་ན་གཙང་གི་རི་དེ། །
མ་མཐོང་ཙམ་ཞིག་དགོས་ཀྱི །
མཐོང་ནས་ཡབ་ཡུམ་གཉིས་དང་། །
མཇལ་འཕྲད་ཡོད་པ་དགོས་ཀྱི །
ཆུ་མོ་ཆུ་རིས་ཤིག་ཤིག །
རླུང་བུའི་རྒྱག་ཕྱོགས་ཡིན་པ། །
སེར་བྱ་ཐེ་ཚོམ་མ་སྐྱོན། །
ཆུ་མོའི་འགྲམ་ལ་ཕེབས་ཤོག །
ཤིང་དེ་རྒྱ་ལྕང་སྡོང་པོ། །
སྐད་གྲགས་ཆེ་རང་དྲགས་ནས། །
ཁུ་བྱུག་རྭ་སྒྲེང་གཞུང་ནས། །
ཤུག་པ་བཞག་ནས་ཡོང་ཡོད། །
བཙས་མ་འུར་ཤོག་ལིང་ལིང་། །
འཇམ་དབྱངས་སྒྲོལ་མའི་བཙས་མ། །
འཇམ་དབྱངས་ཆོས་ལ་ཐལ་ན། །
འུར་ཤོག་ང་ལ་ཞོག་རོགས། །
བཙས་མ་ཨ་ཅེས་བརྔས་པས། །
གོ་འགོ་མི་ཡིས་ཕྲོགས་སོང་། །
གོ་འགོ་འཕྲོག་མཁན་མི་ལ། །
ལས་ཀྱི་ལ་ཡོག་རྒྱོབ་དང་། །