ཏང་ལ་ཕུལ་བའི་བསྟོད་པ་དབྱར་གྱི་འབྲུག་སྒྲ།
ཀྲུང་གོའི་རྒྱལ་ཁབ་སྟོབས་དང་འབྱོར་པ་ལྡན། །
སྤུན་ཟླ་མི་རིགས་ཕན་ཚུན་བརྩེ་བས་ཁེངས། །
སྲིད་འབྱོར་རིག་གསུམ་འཛམ་གླིང་ཡར་རྩེར་སོན། །
འདི་དག་རླབས་ཆེན་ཏང་གི་བཀའ་དྲིན་རེད། །
རླབས་ཆེན་ཏང་གི་བཀའ་དྲིན་བསམ་མི་ཁྱབ། །
ཀྲུང་ཧྭའི་བུ་ཕྲུག་དགའ་སྐྱིད་དཔལ་ལ་རོལ། །
ས་གཞི་ཡོངས་ལ་སྐྱིད་པའི་ཉི་མ་ཤར། །
ཏང་གི་བཀའ་དྲིན་ནམ་ཡང་བརྗེད་མི་སྲིད། །
རླབས་ཆེན་ཏང་གི་བྱམས་སྐྱོང་ཀུན་ལས་བྱམས། །
རླབས་ཆེན་ཏང་གི་བརྩེ་སེམས་ཀུན་ལས་བརྩེ། །
རླབས་ཆེན་ཏང་གི་གཟི་འོད་ཀུན་ལས་འཚེར། །
ལྷག་བསམ་དཀར་པོས་ཁྱེད་ཀྱི་འཁྲུངས་སྐར་བསུ། །
ནམ་ཡང་རླབས་ཆེན་ཏང་གི་རྗེས་སུ་འབྲང་། །
ཏང་གི་བཀའ་སློབ་སེམས་ལ་ཡང་ཡང་དྲན། །
རྒྱུན་དུ་ཐོག་མའི་བསམ་འདུན་མ་བརྗེད་པར། །
རང་གི་འགན་འཁྲི་ཡིད་ལ་བརྟན་པོར་བཅངས། །
དེ་རིང་བཀྲ་ཤིས་ཁ་གཡང་འཛོམས་པའི་ཉིན། །
མི་དམངས་ཡོངས་ཀྱིས་ཏང་ལ་བསྟོད་བཞིན་ཡོད། །
སྤྲོ་སེམས་འཁོལ་པོས་འཁྲུངས་སྐར་བསུ་བཞིན་ཡོད། །
རླབས་ཆེན་ཏང་གི་ཕྱོགས་ལ་རྟེན་འབྲེལ་ཞུ། །