མེ་འཁོར་འདུར་གྱིན་གདའ།

དྲན་པ་འདུར་གྱིན་གདའ།

རྐང་རྗེས་ལ་མེ་ཏོག་བཞད་ཀྱིན་གདའ།

སེམས་པ་སྤ་སེ་བཞིན་ལྟ་ཞིབ་

ཐེངས་གཅིག་བྱས།

ད་གཟོད་ང་ཡང་འགྲོ་ཆོག་པའི་

མིའི་གྲལ་དུ་ཚུད།

རང་ཉིད་ཀྱི་ལག་ཏུ་ཐོགས་པའི་དཔེ་དེབ།

སེམས་ལ་ཐོགས་པའི་མི་ཞིག་རེད།

ཤོག་ལྷེ་རེ་རེ་བཞིན་བཀླགས་རྗེས།

ཤོག་ངོས་འགའ་ལས་

ལོ་ངོ་གཉིས་ཙམ་གསལ།

དེ་ནི་འབྲོག་གླུ་ཉན་པ་བཞིན།

གོ་བདེ་པོ་ཞིག་རེད།

དྲན་པ་འདུར་རྗེས་ང་ཡང་བཞུར།

སེམས་ཀྱི་ས་ཚིགས་འགའ་ལས་ལྷ་ས་དྲན།

ལྷ་ས་ལས་མེ་ཏོག་ཅིག་བཞད་ཚུལ་དྲན།

དེ་ནི་སེམས་ལ་འབུས་པའི་མེ་ཏོག་ཅིག་རེད།