གླུ་གར《དྲི་ཟའི་སྙན་དབྱངས》ལ་ཀྲང་ཡེ་གྲོང་ཁྱེར་དུ་གདེང་འཇོག་བཟང་པོ་ཐོབ་པ།
ཉེ་ཆར། ཉིང་ཁྲི་གྲོང་ཁྱེར་མང་ཚོགས་སྒྱུ་རྩལ་ཁང（མངོན་མིན་རིག་གནས་ཤུལ་བཞག་སྲུང་སྐྱོང་ལྟེ་གནས）གིས་ཇུས་འགོད་བྱས་པ་དང་ཀ་ལ་གྲོང་ཚོའི་གྲོང་ཚོ་རིམ་པའི་རིག་རྩལ་རུ་ཁག་གིས་འཁྲབ་སྟོན་བྱས་པའི་ཀོང་པོའི་དམངས་ཁྲོད་སྤྲོ་གཞས《དྲི་ཟའི་སྙན་དབྱངས》ཞེས་པ་ཀྲང་ཡེ་གྲོང་ཁྱེར་ཀན་ཀྲོའུ་ཆུས་ལྟེ་བའི་ཐང་ཆེན་དུ་འཁྲབ་པར་གདེང་འཇོག་བཟང་པོ་ཐོབ་ཡོད་པ་རེད།
འཁྲབ་སྟོན་ཁྲོད་དུ་ས་གནས་ཀྱི་ཁྱད་ཆོས་ལྡན་པའི་ཕུལ་བྱུང་གི་རིག་རྩལ་ལེ་ཚན་སྣ་ཚོགས་འདུས་ཡོད་པ་དང་། འཁྲབ་སྟོན་པ་ཚང་མས་རབ་ཏུ་འཕེལ་བའི་བསམ་པའི་ཉམས་འགྱུར་ལ་བརྟེན་ནས་རིག་གནས་ཀྱི་ནང་དོན་ཟབ་མོ་དང་མངོན་མིན་རིག་གནས་ཤུལ་བཞག་གི་སྙིང་བཅུད་འཁྲབ་སྟོན་བྱས་ནས་ཡུལ་སྐོར་བ་དང་ས་གནས་དེ་གའི་མང་ཚོགས་ལ་རིག་གནས་ཀྱི་སྟོན་མོ་གྲ་རྒྱས་པོ་ཞིག་བཤམས་པ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་འགྲེམས་འཁྲབ་བྱེད་སྒོ་ནི་རིག་གནས་དང་ཡུལ་སྐོར་པུའི་རྒྱལ་ཡོངས་སྤྱི་པའི་རིག་གནས་འཕེལ་རྒྱས་ལྟེ་གནས་དང་། ཀྲུང་གོ་རིག་གནས་ཁང་མཐུན་ཚོགས། ཀན་སུའུ་ཞིང་ཆེན་རིག་གནས་དང་ཡུལ་སྐོར་ཐིང་། ཀྲང་ཡེ་གྲོང་ཁྱེར་མི་དམངས་སྲིད་གཞུང་བཅས་ཀྱིས་ཐུན་མོང་ཐོག་གཙོ་གཉེར་བྱས་པའི་རྒྱལ་ཡོངས་རིག་གནས་ཁང་གི་ཞབས་ཞུའི་དྲིལ་བསྒྲགས་གཟའ་འཁོར་གྱི་བྱེད་སྒོ་འགོ་ཚུགས་པ་དང་རྒྱལ་ཡོངས་ཀྱི་ས་ཁུལ་དང་གྲོང་ཁྱེར་རིམ་པའི་རིག་གནས་ཁང་གི“ཁང་བརྒྱ་མཉམ་འགུལ”རིམ་སྤེལ་བྱེད་སྒོ་སྐབས་བཅུ་པའི་གྲས་ཤིག་ཡིན་པ་རེད།