ཉིན་ཤས་གོང་། འཕྱོངས་རྒྱས་རྫོང་གི་དམངས་ཁྲོད་སྒྱུ་རྩལ་བ་བརྒྱ་ལྷག་ཙམ་གཅིག་ཏུ་འཛོམས་ནས། “སྲོལ་རྒྱུན་རིག་གནས་དར་སྤེལ་བཏང་སྟེ་གྲོང་གསེབ་དར་རྒྱས་གཏོང་རོགས་བྱེད”བརྗོད་དོན་གཙོ་བོར་བྱས་པའི་རྒྱལ་སྨན་ཤང་གི་རྫོང་རིམ་པའི་མངོན་མིན་རིག་གནས་ཤུལ་བཞག་གི་གསོ་སྦྱོང་གྲུབ་འབྲས་གཅིག་སྡུད་སྙན་སེང་འཁྲབ་སྟོན་བྱས་པས། མང་ཚོགས་ཀྱི་བསམ་པའི་རིག་གནས་འཚོ་བ་ཕུན་སུམ་ཇེ་ཚོགས་སུ་སོང་ཡོད། ཤེས་རྟོགས་བྱུང་བར་གཞིགས་ན། ན་ནིང་ནས་བཟུང་ལྷོ་ཁ་གྲོང་ཁྱེར་འཕྱོངས་རྒྱས་རྫོང་གིས་རྒྱལ་སྨན་ཤང་གི་བཀྲ་ཤིས་གྲོང་ཚོ་དང་། བཅིངས་འགྲོལ་གྲོང་ཚོ། རྒྱལ་སྨན་གྲོང་ཚོ་སོགས་ནས་རྒྱལ་སྨན་རྦད་ལྗགས་རྐྱང་དང་། རྒྱལ་སྨན་གྱི་སྒོར་གཞས། འཕྱོགས་རྒྱས་ཀྱི་གོ་རྩེད་སོགས་ཕུལ་བྱུང་གི་སྲོལ་རྒྱུན་རིག་གནས་སྔོག་འདོན་དང་། འཚོལ་བསྡུ། ལེགས་སྒྲིག་བཅས་བྱས་པར་དུས་མཚམས་རང་བཞིན་གྱི་གྲུབ་འབྲས་ཐོབ་ཡོད་པ་རེད། འདི་ནི་དམངས་ཁྲོད་སྒྱུ་རྩལ་བས་རྒྱལ་སྨན་རྦད་ལྗགས་རྐྱང་འཁྲབ་སྟོན་བྱེད་བཞིན་པ།