ཡིད་ཀྱི་འདོད་པ་འཇོ་བའི་དུས་ཚིགས་སུ། །
དྲན་པའི་གཤིས་ཀྱིས་དགའ་བ་མངོན་དུ་གྱུར། །
སྟ་གོན་མེད་ཀྱང་དགའ་སྟོན་དཔལ་ལ་རོལ། །
ཚུལ་དེ་བཅོས་མིན་ཡིད་ཀྱི་གསང་བ་ཙམ། །
སེམས་ཀྱི་ཟླ་བ་མཁའ་ལ་རྒྱུ་བ་ཡང་། །
དགའ་བའི་མཚོ་རླབས་དལ་གྱིས་འཕྱོ་བས་ཏེ། །
ཕུན་ཚོགས་དཔལ་གྱི་ཀུ་མུད་རྒྱས་པ་འདིས། །
བདག་ཅག་བུང་བའི་ཡིད་ལ་སོམ་ཉི་ཅི། །
གལ་ཏེ་རྒྱང་དུ་གྱེས་པར་གྱུར་བ་ན། །
ལྷོད་པ་མེད་པར་དེ་ཡི་ཕྱོགས་སུ་རྒྱུ། །
འོན་ཏེ་གམ་དུ་བཅར་བར་གྱུར་བའི་མོད། །
དགའ་བས་དེ་ཉིད་གཟུང་ལ་སྤོབས་པ་བྲལ། །
དྲན་པའི་ངོགས་སུ་འཕྱོ་བའི་དགའ་བ་འདི། །
བྱིས་པའི་ངང་ཚུལ་བཟུང་ལ་མངོན་པར་མོས། །
ནམ་ཞིག་འཆར་ཡན་ཀློང་དུ་ཐིམ་པ་ན། །
ང་ནི་ཆུ་ཡི་ཟེགས་མ་ཡིན་སྲིད་དམ། །
བསམ་བརྗོད་བྲལ་བའི་སེམས་ཀྱི་ཚུགས་ཀས་ཀྱང་། །
འཇིག་རྟེན་འདི་ཡང་སྣ་ཚོགས་དཔལ་དུ་མཐོང་། །
ལུས་སེམས་དགའ་བས་བརྟས་པའི་ཀློང་རོལ་ན། །
དགའ་བའི་སྙིང་པོ་འཛུམ་པ་རྣམ་པར་རྨད། །
ཟབ་ཅིང་ཟད་པ་མེད་པའི་བསམ་གཞིག་ནི། །
སྡུག་བསྔལ་རིང་དུ་དོར་ལ་རྣམ་པར་འཕྱན། །
མི་འགྱུར་རི་རྒྱལ་ལྷུན་པོའི་བརྟན་པ་ཡང་། །
སེམས་འགྱུ་མངའ་ན་དགའ་བ་ཅིས་མི་འཕེལ། །
ཀུན་ཀྱང་དགའ་བ་འདོད་པས་རྣམ་པར་བརྩོན། །
འགའ་ཞིག་རང་གཞན་གཉིས་ཀའི་དགའ་བ་འཐུ། །
དགའ་བ་འདབ་བརྒྱའི་མེ་ཏོག་ཡིན་གྱུར་ན། །
གཞན་ཕན་སེམས་ནི་རྟ་བདུན་དབང་པོ་འོ། །