ཐགས་འཐག་པའི་གླུ།

གཡས་སེ་དེ་ན་རྟ་མགོའི་རྒྱག་ཕྱོགས་གཅིག་གཉིས་གསུམ། །

གཡོན་སེ་དེ་ན་སྒྲོན་བུའི་གཡུག་ཕྱོགས་བཞི་ལྔ་དྲུག །

སྟེང་སེ་དེ་ན་འཁོར་ལོའི་འཁྱིལ་ཕྱོགས་གཅིག་གཉིས་གསུམ། །

འོག་སེ་དེ་ན་རྐང་བཏབ་མནན་ཕྱོགས་བཞི་ལྔ་དྲུག །

གཡས་སེ་དེ་ན་སྲིང་བའི་གཞོག་ཕྱོགས་གཅིག་གཉིས་གསུམ། །

གཡོན་སེ་དེ་ན་རྣམ་བུའི་གློད་ཕྱོགས་བཞི་ལྔ་དྲུག །

ཁང་དམར་རྫོང་གི་ཨར་གཞས།

ཨར་ཁ་ས་ཡང་མ་རེད། །

ཨར་ཁ་རྡོ་ཡང་མ་རེད། །

ཨར་ཁ་རྡོ་རྗེ་བྲག་གི །

ནོར་བུའི་རིགས་ཤིག་ཡིན་ནོ། །

ཨར་ཁ་ཐོག་ཁར་བཏིང་ན། །

དྲག་ཆར་རླུང་ལ་མི་སྐྲག །

ཨར་ཁ་ནང་ལ་བཏིང་ན། །

གཟིམ་ཆུང་འོད་ཀྱིས་ཁེངས་ཡོང་། །

ཨར་ཁ་ཁ་མདོག་མཚར་ལ། །

ཞལ་དཔོན་མཛེས་སྡུག་ལྡན་པ། །

བཙས་གཞས།

གཡས་པས་གཡོན་མ་མ་བྲེག །

ཟོར་བ་ཚེས་བརྒྱད་ཟླ་བ། །

གཡོན་མས་ཨ་རྙོག་མ་གློད། །

མཛུབ་རྒྱན་དམ་པའི་བཀའ་དྲིན། །

ཞིང་ཆུང་འདི་ལ་གནས་པའི། །

ཀླུ་མོ་ནོར་ལྷ་གཡང་སྐྱབས། །

ཀླུ་མོ་འདི་རུ་མ་བཞུགས། །

བཀྲ་ཤིས་གཡུལ་ཁར་ཕེབས་དང་། །

བཙས་མ་རྒོད་པོ་མེད་ཀྱང་། །

བཙས་རུ་ངར་པོ་བྱེད་ཤོག །

བཙས་རུ་ངར་པོ་མེད་ན། །

སྒོ་མོ་རང་ལོག་བཏང་ཆོག །

ཁ་མཆུ་པད་མ་འདབ་བརྒྱད། །

གཞས་ཀྱི་སྒོ་མོ་ཕྱེ་དང་། །

མིད་པ་བྱང་ཆུབ་ལྗོན་ཤིང་། །

ཚིག་ལ་ནོར་འཁྲུལ་མ་གཏོང་། །