རྒྱབ་ལྗོངས།

1998ལོར། འཚོ་བའི་གནོན་ཤུགས་དབང་གིས་གཞིས་རྩེ་གྲོང་ཁྱེར་བཞད་མཐོང་སྨོན་རྫོང་གི་དོན་གྲུབ་ཀྱིས་སེམས་ནུས་ཚང་མ་ཀོ་ཆས་བཟོ་བའི་ཐོག་ཏུ་བཞག་ནས་ཡོང་འབབ་དེ་བས་མང་བ་རག་ཐབས་བྱས།

2004ལོར་དོན་གྲུབ་ཀྱི་ལོ་16ལ་སོན་པའི་ཚ་བོ་རྟ་མགྲིན་གྱིས་ཀོ་ཆས་བཟོ་རྩལ་སྦྱངས་ནས་སྲོལ་རྒྱུན་གྱི་ལག་རྩལ་དེ་རྒྱུན་འཛིན་བྱེད་རྩིས་བྱས།

2008ལོར་རྟ་མགྲིན་གྱིས་དེ་སྔ་རྒན་རབས་ཚོས་བཟོ་མྱོང་མེད་པའི་ཀོ་བའི་ཐོན་རྫས་ཁག་གཅིག་བཟོ་འགོ་ཚུཌ།

ཕྱིས་སུ་རྟ་མགྲིན་གྱིས་ཁྱིམ་ཚང་བཟོ་ཁང་གི་གཉེར་སྐྱོང་བྱེད་སྟངས་ལ་འགྱུར་ལྡོག་བཏང་ནས་བཞད་མཐོང་སྨོན་རྫོང་ཆུ་ནུབ་མི་རིགས་ལག་ཤེས་བཟོ་རྩལ་ཀོ་ཆས་ལས་སྣོན་ཆེད་ལས་མཉམ་ལས་ཁང་བཙུགས་ཏེ། གྲོང་ཚོའི་དབུལ་པོ་དང་དབང་པོ་སྐྱོན་ཅན་ལས་ཀར་བཅུག་ནས་ཁོ་ཚོར་ཀོ་བཟོའི་ལག་རྩལ་བསླབས་པ་མ་ཟད། ཟླ་རེ་བཞིན་གླ་ཆ་སྤྲད་པས་བཟོ་པ་ཚོའི་ལོ་རེའི་མི་རེའི་ཆ་སྙོམས་ཡོང་འབབ་སྒོར་ཁྲི་3ཙམ་ཟིན་ཡོད།

2012ལོར“ཀོ་ཆས་ཀྱི་ཕ་ཡུལ”ཞེས་པའི་མཚན་སྙན་གྲགས་པའི་གཞིས་རྩེ་གྲོང་ཁྱེར་བཞད་མཐོང་སྨོན་རྫོང་དུ་ལོ་24ལ་སླེབས་པའི་རྟ་མགྲིན་གྱིས་ཕ་ཡུལ་ཆབ་ཁ་གྲོང་རྡལ་ཆུ་ནུབ་གྲོང་ཚོའི་བེད་མེད་སློབ་ཆུང་ཞིག་ཏུ་ཆུ་ནུབ་མི་རིགས་ལག་ཤེས་བཟོ་རྩལ་ཀོ་ཆས་ལས་སྣོན་ཆེད་ལས་མཉམ་ལས་ཁང་བཙུགས་པ་རེད། སྐབས་དེ་དུས་གསར་འགོད་པའི་བཅར་འདྲི་དང་ལེན་བྱེད་སྐབས་ཁོང་གིས་རང་ཉིད་ཀྱི་ཕུགས་འདུན་ལ་རེ་བ་ཆེན་པོ་བྱེད་བཞིན“འབྱུང་འགྱུར་ལོ་ཤས་ནང་། ངས་བཟོ་ཁང་བསྐྱར་སྐྲུན་དང་། ཐོན་ནུས་ཆེར་གཏོང་། ཕྱིར་ཚོང་བྱ་ཡུལ་གསར་གཏོད་བཅས་བྱེད་རྩིས་ཡོད། ངས་ད་དུང་མི་དེ་བས་མང་བ་ལག་རྩལ་ལ་བརྟེན་ནས་ཕྱུག་འགྱུར་ལམ་བུའི་ཐོག་སྐྱོད་ཐུབ་པ་བྱ་རྒྱུ་ཡིན”ཞེས་བཤད།

ལོ་བཅུའི་རིང་རྟ་མགྲིན་གྱིས་སྲིད་ཇུས་ལ་བརྟེན་ནས“གཉིས་གཏོད”ཀྱི་རླབས་རྒྱུན་ཆེན་པོའི་ཁྲོད་རླབས་གཤགས་མདུན་སྐྱོད་བྱས་ཏེ་སྲོལ་རྒྱུན་གྱི་ཀོ་བཟོའི་ལག་རྩལ་ལས་བཀྲག་མདངས་གསར་པ་འཚེར་བ་བྱས།

2022ལོར་གསར་འགོད་པས་རྟ་མགྲིན་ལ་བཅར་འདྲི་བྱེད་སྐབས་ཁོང་ལོ་77ལ་སླེབས་པའི་སྤོ་བོ་དོན་གྲུབ་ལགས་དང་མཉམ་དུ་རྫོང་གྲོང་གི་བཟོ་ཁང་བསྐྱར་སྐྲུན་རྒྱས་སྐྲུན་ཐེངས་གཉིས་པ་བྱ་རྒྱུའི་གྲ་སྒྲིག་བྱེད་བཞིན་འདུག དེ་གོང་མ་རྩ་ཕོན་ཆེན་བཏང་ནས་བསྐྲུན་རྒྱུའི་བཟོ་ཁང་དེར་དོན་གྲུབ་ཀྱིས་ངོ་རྒོལ་བྱེད་ཀྱི་ཡོད། དོན་གྲུབ་ཀྱི་ངོས་ནས་བརྗོད་ན། རྟ་མགྲིན་གྱི་ཡང་སྤོ་ནས་བརྒྱུད་པའི་ལག་ཤེས་དེར་ཡང་སྙིང་མདུན་ལམ་གང་འདྲ་ཞིག་ལྡན་མིན་ཁོང་ལ་ཡང་གདེང་ཚོད་གཏན་ནས་མེད།

འོན་ཀྱང་དུས་ཐུང་ལོ་བཅུའི་ནང་མཉམ་ལས་ཁང་གི་ཁེ་སྤོགས་སྒོར་ཁྲི་20ལྷག་ཙམ་ནས་སྒོར་ཁྲི་200ལྷག་ཙམ་བར་འཕར་བ་དང་། ཀོ་ཆས་སྣ་ཁ་50ལྷག་ཙམ་ནས་སྣ་ཁ་317བར་མང་དུ་ཕྱིན་པའི་ཁར། ཐོན་རྫས་བྲིན་ཚོང་གི་ཐབས་ལམ་ཡང་ས་ཆ་ཆུང་ངུ་དེ་ནས་ལྗོངས་ཡོངས་དང་ཐ་ན་རྒྱལ་ཡོངས་སུ་ཁྱབ་ནས་ཆུ་ནུབ་ཀྱི་ཀོ་ཆས་བཟོ་རྩལ་དེ་གཞིས་རྩེ་གྲོང་ཁྱེར་གྱི་མངོན་མིན་རིག་གནས་ཤུལ་བཞག་ཏུ་གྱུར་པ་རེད། “ང་ཚོས་དེ་སྔ་བཟོས་པའི་ཀོ་ཆས་མང་ཤོས་ནི་རྟ་ཆས་ཡིན། ད་ཆ་ཁྱིམ་ཚང་ཚང་མར་རླངས་འཁོར་ཡོད་པས་བྲིན་ཁ་རྒྱུག་ཤོས་ཀྱི་ཀོ་ཆས་ནི་རླངས་འཁོར་གྱི་རྒྱན་ཆར་གྱུར་ཡོད”ཅེས་དོན་གྲུབ་ཀྱིས་མྱོང་ཚོར་ཟབ་མོའི་སྒོ་ནས་བཤད།

མཉམ་ལས་ཁང་དེ་2017ལོར་གཞིས་རྩེ་གྲོང་ཁྱེར་རིག་གནས་ཐོན་ལས་དཔེ་སྟོན་རྟེན་གཞིར་བདམས་པ་དང་2020ལོར་མངོན་མིན་རིག་གནས་ཤུལ་བཞག་གི་དབུལ་སྐྱོར་ལས་ཞུགས་བཟོ་གྲྭར་བདམས་པ་རེད། མཉམ་ལས་ཁང་གི་སྐུལ་ཁྲིད་འོག་ཡུལ་མི་ཚོའི་འབྱོར་འབྲིང་འཚོ་བ་ཇི་ཙམ་བསྐྱལ་བ་དེ་ཙམ་གྱིས་ཡག་ཏུ་ཕྱིན་ཞིང་། ད་ཆ་ལས་མི་18མཉམ་ལས་ཁང་དུ་ལས་ཞུགས་བརྟན་པོ་བྱུང་སྟེ་མི་རེར་ལོ་རེར་ཡོང་འབབ་སྒོར་ཁྲི་6ལྷག་ཙམ་བྱུང་བའི་ནང་ཡིག་ཚགས་དང་གཱ་བཟོས་པའི་དུད་ཚང་8དང་དབང་པོ་སྐྱོན་ཅན་4ཡོད་པ་རེད། ལོ་བཅུའི་རིང་། མཉམ་ལས་ཁང་གི་ལས་མི་12སྔ་རྗེས་སུ་ལས་གཏོད་ལམ་བུའི་ཐོག་བསྐྱོད་དེ་སྦྱིན་བདག་བྱས་པ་དང་ཀོ་ཆས་ཚོང་ཁང་དང་མཉམ་ལས་ཁང་བཙུགས་པ་མ་ཟད། མི་དེ་བས་མང་བ་ཀོ་ཆས་ཐོན་ལས་སྦྲེལ་ཐག་ནང་ཞུགས་རྒྱུར་སྣེ་ཁྲིད་བྱས་པས་འཕེལ་རྒྱས་ཀྱི་ཁེ་སྤོགས་མཉམ་སྤྱོད་བྱུང་ཡོད།

“ཏང་དང་སྲིད་གཞུང་ལ་ཐུགས་རྗེ་ཆེ་ཞུ་རྒྱུ་ཡིན་ལ་དུས་རབས་གསར་པར་ཡང་ཐུགས་རྗེ་ཆེ་ཞུ་རྒྱུ་ཡིན” ཏང་གི་ཚོགས་ཆེན་ཉི་ཤུ་པའི་སྐོར་གླེང་སྐབས་རྟ་མགྲིན་གྱིས་སེམས་ཤུགས་ཀྱིས་ཁེངས་བཞིན་དུ“ཏང་གི་ཚོགས་ཆེན་ཉི་ཤུ་པའི་སྙན་སྒྲོན་མི་སེམས་ལ་སྐུལ་མ་ཐེབས་པ་ཞིག་འདུག་པས་ངས་འབྱུང་འགྱུར་ལ་རེ་སྒུག་ཆེན་པོ་བྱེད་ཀྱི་ཡོད། བཟོ་ཁང་གསར་པ་བསྐྲུན་ཟིན་རྗེས་ང་ཚོས་དེང་རབས་ཅན་གྱི་སྒྲིག་ཆས་དེ་བས་མང་བ་ཉོ་རྒྱུ་དང་ཆབས་ཅིག མངོན་མིན་རིག་གནས་ཤུལ་བཞག་གི་རྟེན་རྫས་བཤམས་མཛོད་ཁང་བསྐྲུན་ནས་ཀྲུང་ཧྭའི་ཕུལ་བྱུང་གི་སྲོལ་རྒྱུན་རིག་གནས་གསར་གཏོད་རང་བཞིན་གྱི་གཞན་སྒྱུར་དང་གསར་གཏོད་རང་བཞིན་གྱི་འཕེལ་རྒྱས་ལ་སྐུལ་འདེད་གཏོང་རྒྱུ་ཡིན”ཞེས་བཤད།