འདི་ནི་བོད་ལྗོངས་འདམ་གཞུང་རྫོང་སྙིང་གྲོང་ཤང་བར་གླིང་གྲོང་ཚོར་བློ་གྲོས་ཀྱིས་གློག་བརྙན་སྟོན་པར་མཁོ་བའི་ཡོལ་བར་ཞིབ་བཤེར་བྱེད་བཞིན་པ།
བོད་ལྗོངས་འདམ་གཞུང་རྫོང་ནས་ཡིན་པའི་བློ་གྲོས་ནི་གྲོང་གསེབ་ཀྱི་སྤྱི་ཕན་གློག་བརྙན་སྟོན་མཁན་ཞིག་རེད། 1985ལོ་ནས་བཟུང་། ཁོང་གིས་འོད་བརྙན་སྤྱད་དེ་བོད་བྱང་ཐང་གི་འབྲོག་པ་དང་རིག་གནས་སྒྱུ་རྩལ་དབར་གྱི་འབྲེལ་ཟམ་བཙུགས་ནས། གློག་བརྙན་བསྟན་པའི་རྗེས་ཤུལ་བོད་བྱང་ཐང་གི་གྲོང་ཚོ་ཉིས་བརྒྱ་ཙམ་ལ་ཁྱབ།
བོད་ལྗོངས་ལྷ་ས་གྲོང་ཁྱེར་གྱི་ཁོངས་སུ་གཏོགས་པ་དང་ཆ་སྙོམས་ས་བབ་མཐོ་ཚད་སྨི་4200ལྷག་ཙམ་ཡོད་པའི་འདམ་གཞུང་རྫོང་ནི་ལྷ་སའི་སྐད་གྲགས་ཆེ་བའི་འབྲོག་ལས་རྟེན་གཞི་ཞིག་རེད།
གློག་བརྙན་ལྟ་ཐེངས་དང་པོ་ཡིན་པའི་ལོ་དེར་བློ་གྲོས་ལོ་བཅུ་ལས་སླེབས་ཀྱི་མེད། ཁོང་གི་བག་ཆགས་སུ་ལྕགས་སྒམ་དུ་བླུགས་པའི་གློག་བརྙན་གྱི་འཕྲུལ་ཆས་ནི་རེག་མི་རུང་བའི་དངོས་པོ་ཞིག་ཡིན་པ་དང་། གློག་བརྙན་གྱི་ཡོལ་བ་ནི་གྲོང་མི་ཚོས་ཧབ་ཐོབ་བརྒྱབ་ནས་གཡོག་གི་ཡོད་པ་རེད། “གློག་བརྙན་གྱི་ཡོལ་བ་དཀར་པོ་དེའི་ངོས་སུ་རྒན་ཚེ་བརྟན་སྒྲོལ་མ་ལགས་ཀྱིས་པེ་ཅིང་དུ་གཞས་གཏོང་བའི་རྣམ་པ་ལས་དྲན་གྱི་མི་འདུག”ཅེས་བློ་གྲོས་ཀྱིས་བཤད་པ་དང་། ཚང་མས་ཐལ་མོ་བརྡབས་ནས་བསྔགས་བརྗོད་བྱེད་པ་དང་ཡོལ་བའི་བརྒྱབ་ཏུ་མི་ཚོགས་ཀྱིས་ཁེངས།
ཕྱིས་སུ་རྫོང་གིས་གློག་བརྙན་སྟོན་མཁན་བསྡུས་པ་དང་། ཐོ་ཕྲུག་གཏོང་ཤེས་པའི་བློ་གྲོས་ནི་སྤྱང་གྲུང་དོད་པ་དང་བརྩོན་འགྲུས་ཆེ་བས་གློག་བརྙན་སྟོན་མཁན་ལ་བསྡུས། སྤྱིན་ཤོག་ལྡོག་དཀྲིས་རྒྱག་པ་དང་། ཡོལ་བ་འགེལ་བའི་བར་གྱི་བརྒྱུད་རིམ་ཧྲིལ་པོ་སློབ་སྦྱོང་བྱས་པས། བློ་གྲོས་གློག་བརྙན་སྟོན་མཁན་ཞིག་ཏུ་གྱུར།
དུས་རབས་གོང་མའི་ལོ་རབས་བརྒྱད་ཅུ་པ་དང་དགུ་བཅུ་པར་འབྲོག་པའི་རིག་གནས་འཚོ་བ་ཧ་ཅང་སྐྱོ་པོ་ཡིན་པས་གློག་བརྙན་ལྟ་བ་ནི་འཐོབ་པར་དཀའ་བའི་གོ་སྐབས་ཤིག་རེད། བློ་གྲོས་ཀྱིས་ཐོ་ཕྲུག་ནང་གློག་བརྙན་གྱི་ཡོལ་བ་དང་། གློག་བརྙན་གྱི་འཕྲུལ་ཆས། སྤྱིན་ཤོག གློག་གཏོང་འཕྲུལ་ཆས། དེ་བཞིན་ལམ་བར་གྱི་ལྟོ་ཆས་དང་ཉལ་ཆས་སོགས་བླུགས་ནས་འདམ་གཞུང་རྫོང་གི་གྲོང་ཚོ་ཁག་ཏུ་རེས་མོས་བྱས་ནས་གློག་བརྙན་སྟོན་པར་སྐྱོད་ཀྱི་ཡོད་པ་དང་། རྫོང་ཡོངས་སུ་སྐོར་བ་ཐེངས་གཅིག་རྒྱག་པར་ཟླ་བ་གསུམ་ལྷག་ཙམ་འགོར་གྱི་ཡོད།
ཕྱིས་སུ་བརྙན་འཕྲིན་རིམ་བཞིན་ཁྱབ་གདལ་དུ་སོང་བ་དང་ལག་ཐོགས་ཁ་པར་ཡང་མི་སེར་དཀྱུས་མའི་ཁྱིམ་དུ་དར་ཁྱབ་བྱུང་། དེ་དང་ཆབས་ཅིག་བློ་གྲོས་ཀྱི་སྒྲིག་ཆས་ཀྱང་སྤྱིན་ཤོག་ནས་གྲངས་གཞིའི་གློག་བརྙན་འཕྲུལ་ཆས་ལ་བརྗེས་པ་དང་སྤྱིན་ཤོག་མཁོ་སྤྲོད་ཀྱང་རྒྱུན་ཆད་མེད་པར་གསར་པ་རྗེས་ཀྱི་ཡོད། ལྟད་མོ་བ་ཚོས་དགའ་ཤོས་བྱེད་པའི་དྲག་རྩལ་དང་དམག་འཁྲུག་གློག་བརྙན་ཕུད། ད་དུང་འབྲོག་ལས་གསོ་ཚགས་སྐོར་གྱི་ཚན་རིག་ཁྱབ་གདལ་གློག་བརྙན་སོགས་ཀྱང་སྟོན་གྱི་ཡོད་པ་རེད།
ངོ་སྤྲོད་བྱས་པར་གཞིགས་ན། ལྷ་ས་གྲོང་ཁྱེར་གློག་བརྙན་སྟོན་མཁན་གསོ་སྦྱོང་ལྟེ་གནས་ཀྱིས་རྫོང་དང་ཆུས་ཁག་ལ་གཞོགས་འདེགས་བྱས་ཏེ་མཐོངས་ཡངས་གློག་བརྙན་ཕྱི་རོལ་ནས་ཁང་པའི་ནང་གི་ཕྱོགས་སུ་སྒྱུར་བའི་ལས་དོན་རིམ་བཞིན་སྤེལ་བ་དང་། གློག་བརྙན་སྟོན་པའི་ཞབས་འདེགས་ཤང་དང་གྲོང་རྡལ་གྱི་དུས་རབས་གསར་པའི་ཤེས་དཔལ་ལག་ལེན་ལྟེ་གནས་དང་དུས་རབས་གསར་པའི་ཤེས་དཔལ་ལག་ལེན་ས་ཚིགས་སུ་ཞུས་ནས། གྲོང་མིར་དེ་བས་སྟབས་བདེ་དང་སྐྱིད་སྣང་དོད་པའི་གློག་བརྙན་ལྟ་རྒྱུ་ཡོད།
ཆར་པ་བབས་པ་དང་རླུང་བུ་ལྡང་བའི་རྩྭ་ཐང་ཡིན་ནའང་འདྲ། ཡང་ན་ཆར་རླུང་འགོག་ཐུབ་པའི་ཁང་པའི་ནང་དུ་ཡིན་ནའང་འདྲ། གང་ལྟར་གློག་བརྙན་གྱི་ཡོལ་བ་བཀལ་ཚེ་མང་ཚོགས་རྣམས་དགའ་ཚོར་ཆེན་པོས་དེ་གར་ཡོང་གི་ཡོད་པས། རང་ཉིད་བློ་ཡིད་ཧ་ཅང་ཚིམ་པོ་ཡོང་གི་འདུག་ཅེས་བློ་གྲོས་ཀྱིས་བཤད།
འདི་ནི་བོད་ལྗོངས་འདམ་གཞུང་རྫོང་སྙིང་གྲོང་ཤང་བར་གླིང་གྲོང་ཚོར་བློ་གྲོས་ཀྱིས་གློག་བརྙན་གྱི་ཡོལ་བ་འགེལ་བཞིན་པ།
འདི་ནི་བོད་ལྗོངས་འདམ་གཞུང་རྫོང་སྙིང་གྲོང་ཤང་བར་གླིང་གྲོང་ཚོའི་གྲོང་མིས་གློག་བརྙན་ལྟ་བཞིན་པ།