འདི་ནི་ཞོལ་སྡེ་ཁུལ་གྲོང་ལྷན་གྱི་ཏང་ཡོན་གྱིས་སྡེ་ཁུལ་གྱི་དམངས་ཕན་ཞབས་ཞུའི་ཚོམས་ཆེན་དུ་མང་ཚོགས་ལ་ཞབས་འདེགས་ཞུ་བཞིན་པ།

འདི་ནི་ཞོལ་སྡེ་ཁུལ་གྲོང་ལྷན་གྱི་ཏང་ཡོན་དྲ་མིག་པས་སྡེ་ཁུལ་དེའི་མང་ཚོགས་ཀྱི་ཁྱིམ་དུ་གནས་ཚུལ་ཤེས་རྟོགས་བྱེད་བཞིན་པ།

ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་ཞོལ་སྡེ་ཁུལ་གྲོང་ལྷན་གྱི་ཏང་ཡོན་གྱིས་གྲོང་མིའི་འཚོ་བའི་ཁྲོད་ཀྱི་དཀའ་གནད་སྣ་ཚོགས་རང་འགུལ་ངང་ཤེས་རྟོགས་བྱས་ཏེ་ས་གནས་ས་ཐོག་ཏུ་འགལ་ཟླ་བསལ་ནས་དམངས་ལ་ཞབས་འདེགས་ཧུར་ཐག་ཞུས་ཡོད། སྡེ་ཁུལ་གྱིས་དྲ་མིག་གི་འཐབ་སར་བརྟེན་ནས་དམངས་འཚོའི་དོན་ཆུང་ཏན་ཏིག་སྒྲུབ་པ་དང་། མང་ཚོགས་ཀྱི་རེ་ཞུར་ལན་ཡག་པོ་སློག་པ། ཚང་མའི་འཕྲལ་མཁོ་དང་། སེམས་ཁྲལ། དཀའ་ངལ། རེ་སྒུག་བཅས་ཀྱི་གནད་དོན་ཐག་གཅོད་ཏན་ཏིག་བྱེད་པ། གཞི་རིམ་གྱི་བཅོས་སྐྱོང་ཆུ་ཚད་རྒྱུན་མཐུད་མཐོ་རུ་གཏོང་བ། ཁྱིམ་གྱི་སྒོ་རྩར་མང་ཚོགས་ལ་ཞབས་འདེགས་ཞུ་བ་བཅས་བྱས་ཏེ། གྲོང་མིའི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཟམ་མི་ཆད་པར་ཆེ་རུ་བཏང་ཡོད་པ་རེད།