བོད་ལྗོངས་གསར་སྤེལ་མ་འཇོག་ཨ་མདོ་ཐུག་ཧྲོམ་100MWའོད་དྲོད་དང་800MWའོད་ཤུགས་གཞི་གཅིག་ཅན་གྱི་རྣམ་གྲངས་ནི་མིག་སྔར་གོ་ལ་ཧྲིལ་པོའི་ས་བབ་མཐོ་ཤོས་ཀྱི་མཐོ་ལྕོག་རྣམ་པའི་ཚྭ་ཞུན་འོད་ཤུགས་གློག་ཁང་ཞིག་རེད། རྣམ་གྲངས་དེར་ཁྱོན་མ་དངུལ་སྒོར་དུང་ཕྱུར་48.68བཏང་ཡོད་པ་དང་དེ་འོད་ཤུགས་དང་འོད་དྲོད་དུས་ཐེངས་གཉིས་ལ་དབྱེ་ནས་སྐྲུན་བཞིན་ཡོད་ཅིང་། དེའི་ནང་གི་དུས་ཐེངས་དང་པོའི་125MWའོད་ཤུགས་ལས་གྲྭ་དེ་2024ལོའི་ཟླ་4པར་སྐྲུན་འགོ་ཚུགས་པ་དང་མིག་སྔར་ཨར་སྐྲུན་གྱི་ལས་འགན་ཁག་སྤྱིར་ན་ལེགས་གྲུབ་ཟིན་ཏེ་གློག་དྲ་སྦྲེལ་ནས་གློག་གཏོང་བའི་ཆ་རྐྱེན་འཛོམས་ཡོད་པ་རེད། འདི་ནི་འོད་དྲོད་རྣམ་གྲངས་ཀྱི་ཤེལ་ལེབ་ཡིན་པ།