ཉིན་ཤས་བསྟུད་མར། རང་ལྗོངས་ཀྱི་ས་གནས་ཁག་གིས་དཔྱིད་དུས་ཀྱི་ཤིང་འཛུགས་ནགས་བཟོའི་དུས་སྐབས་ཡག་ཤོས་དམ་འཛིན་བྱས་ནས། ཡར་ཀླུང་གཙང་པོའི་ངོགས་ནས་ཡངས་པའི་བྱང་ཐང་བར་གྱི་ས་ཆ་གང་སར་ལྗང་འཛུགས་དང་། ལྗང་གཅེས། ལྗང་སྲུང་བཅས་ཀྱི་ཚ་རླབས་ཤིག་འཕྱུར་ཏེ། བྱ་སྤྱོད་དངོས་ཀྱི་ཐོག་ནས་གངས་ལྗོངས་ས་མཐོར་སྔོ་ལྗང་ཁོར་ཡུག་གཏོད་བཞིན་ཡོད་པ་རེད། འདི་ནི་ཉིང་ཁྲི་གྲོང་ཁྱེར་མེ་ཏོག་རྫོང་འབྲས་སྤུངས་ཤང་སྲིད་གཞུང་གིས་ས་གནས་དེ་གར་བཅའ་སྡོད་དཔུང་སྡེ་དང་ཞི་རང་གྲོང་ཚོའི་ཡུལ་མི་ཨུ་ལྷན་མཉམ་དུ་དཔྱིད་དུས་ཀྱི་འོས་འགན་ཤིང་འཛུགས་བྱེད་སྒོ་སྤེལ་བཞིན་པ།