ཉེ་ཆར། དུན་ཡུན་ཉིན་བདུན་གྱི་བོད་རང་སྐྱོང་ལྗོངས་གྲོང་གསེབ་ལན་ཆིའུ་སྤོ་ལོའི་རིམ་མཚུངས་མཉམ་འགྲན་སྐབས་གཉིས་པ·2025ལོའི“ལོ་ངོ་སྟོང་གི་ཚྭ་ཞིང”ཁམསＢＡསྨར་ཁམས་རྫོང་ཆུ་ཚན་ཁ་ཤང་དུ་རྒྱལ་ཁའི་ངང་མཇུག་འགྲིལ་ཞིང་། འགྲན་བསྡུར་དེས་ས་ཁོངས་ཀྱི་བཀག་རྒྱ་ལས་བསྒྲལ་ཏེ། ཆབ་མདོའི་རྫོང་དང་ཆུས་10དང་། སི་ཁྲོན་འབའ་ཐང་། ཡུན་ནན་བདེ་ཆེན་སོགས་མཐའ་འཁོར་ས་ཁུལ་གྱི་སྤོ་ལོའི་རུ་ཁག་14ཡི་ལུས་རྩལ་པ་224ཞུགས་པའི་ཡིད་དབང་བཀུག་ཡོད། འགྲན་རའི་ཕྱི་རོལ་དུ། ལྗོངས་ཕྱི་ནང་གི་ཚོང་དུད་120ལྷག་གིས་ཞིང་ལས་ཁྱད་ལྡན་ཐོན་རྫས་སྣ་ཁ་800ལྷག་འགྲེམས་ཚོང་བྱས་པར། ཕྱིར་ཚོང་དངུལ་འབོར་སྒོར་ཁྲི་156.66བྱུང་བ་མ་ཟད་ཞོར་ལ་བཟའ་བཏུང་དང་ཞག་སྡོད་ལས་རིགས་ལ་སྒོར་ཁྲི་400ལྷག་གི་འབབ་འཕར་ཡོང་བར་སྐུལ་ཁྲིད་ཐུབ་པས“ཁམསＢＡདང་གྲོང་གསེབ་ཡུལ་སྐོར་ཟུང་འབྲེལ”གྱི་རྣམ་པར་ཕན་འབྲས་མངོན་གསལ་དོད་པོ་ཐོན་ཡོད། འདི་ནི་འགྲན་ཞུགས་བདམས་ཐོན་པས་འགྲན་བསྡུར་བྱེད་བཞིན་པ།