འདི་ནི་2025ལོའི་བོད་ལྗོངས་ནག་ཆུ་གྲོང་ཁྱེར་གྱི་འཆར་ཅན་རྟ་རྒྱུག་དུས་ཆེན་གྱི་འགོ་ཚུགས་མཛད་སྒོའི་ཐོག་རྟ་རྩལ་ངོམ་བཞིན་པ།

ཟླ་9ཚེས་5ཉིན། དུས་ཡུན་ཉིན་གསུམ་གྱི་2025ལོའི་བོད་ལྗོངས་ནག་ཆུ་གྲོང་ཁྱེར་གྱི་འཆར་ཅན་རྟ་རྒྱུག་དུས་ཆེན་བོད་ལྗོངས་ནག་ཆུ་གྲོང་ཁྱེར་གེ་སར་རྟ་རྒྱུག་ཐང་དུ་འགོ་ཚུགས་པ་རེད། ད་ཐེངས་ཀྱི་རྟ་རྒྱུག་དུས་ཆེན་ནང་ལུས་རྩལ་འགྲན་བསྡུར་དང་། རིག་རྩལ་འཁྲབ་སྟོན། རིག་གནས་ཡུལ་སྐོར་འོས་སྦྱོར་སོགས་ཀྱི་བྱེད་སྒོ་སྣ་ཚོགས་ཡོད་པས་མང་ཚོགས་དང་ཡུལ་སྐོར་བ་དེ་བས་མང་པོའི་ཡིད་དབང་བཀུག་ཡོད། ནག་ཆུའི་འཆར་ཅན་རྟ་རྒྱུག་དུས་ཆེན་ནི་བོད་བྱང་ཐང་གི་སྲོལ་རྒྱུན་དུས་ཆེན་དང་ལུས་རྩལ་གྱི་སྟོན་མོ་གཟབ་རྒྱས་ཤིག་རེད།