ཉེ་ཆར། “རྟེན་འབྲེལ་ཆེ་མོ་བསུ། ཏང་གི་བཀའ་དྲིན་དྲན། མཉམ་དུ་འབད་འབུངས་བྱེད”ཅེས་པའི་སྐུ་ལྷ་དར་གདོང་འབྲི་ཆུའི་ཆུ་འགོའི་རྟ་རྒྱུག་འགྲན་བསྡུར་བྱེད་སྒོ་ནག་ཆུ་གྲོང་ཁྱེར་ཨ་མདོ་རྫོང་དུ་འགོ་ཚུགས་ཤིང་། དེ་རྗེས་ཀྱི་ཉིན་ཤས་རིང་མྱུར་ཚད་རྟ་རྒྱུག་འགྲན་བསྡུར་དང་། རྟ་འགྲོས་འགྲན་བསྡུར། རྟ་རྩལ་འཁྲབ་སྟོན་སོགས་སྲོལ་རྒྱུན་དང་དེང་རབས་ཟུང་དུ་འབྲེལ་བའི་རྟ་རྒྱུག་འགྲན་བསྡུར་སྣ་ཚོགས་བྱས་པ་རེད། གཞན་ཡང་། མི་རིགས་ཀྱི་ཁྱད་ཆོས་ཆེན་པོ་ལྡན་པའི་སྲོལ་རྒྱུན་ལུས་རྩལ་རྣམ་གྲངས་དཔེར་ན་འུར་རྡོ་དང་རྡོ་འགྱོགས་འགྲན་བསྡུར་སོགས་ཀྱང་གཅིག་རྗེས་གཉིས་མཐུད་ངང་བྱས་པས། ཨ་མདོའི་རིག་གནས་ཀྱི་ནང་དོན་ཟབ་མོ་གང་ལེགས་མངོན་ཡོད། འདི་ནི་ཨ་མདོ་རྫོང་གི་རྟ་རྒྱུག་འགྲན་བསྡུར་བྱ་ཡུལ་ཡིན་པ།