ཉེ་ཆར། མངའ་རིས་ས་ཁུལ་སྒེར་རྩེ་རྫོང་གིས་སྒྲོག་འགྲེལ་པ་སྒྲིག་འཛུགས་བྱས་ནས་ཡུལ་སྲོལ་སྒྱུར་ཕྱོགས་སྐོར་དྲིལ་བསྒྲགས་བྱས་པ་མ་ཟད། མཉམ་འགུལ་རྣམ་པའི“སྒྲོག་འགྲེལ་ཆུང་ངུ”སོགས་ཀྱི་བྱ་ཐབས་བརྒྱུད་འབྲོག་པ་རྣམས་ལ་སྤྲོ་སྣང་བག་ཕེབས་ཀྱི་ཁོར་ཡུག་ཁྲོད་ནས་ཡུལ་སྲོལ་སྒྱུར་བའི་འདུ་ཤེས་དང་ལེན་བྱེད་དུ་བཅུག་པ་རེད། ད་དུང་ཕྱུགས་གསོ་ས་ཚིགས་སུ“ཟླ་རེར་བརྗོད་དོན་རེའི”ཤེས་དཔལ་ལག་ལེན་བྱེད་སྒོའི་ལམ་སྲོལ་བཙུགས་ནས་འབྲོག་ཁུལ་གྱི་ཁོར་ཡུག་བཅོས་སྒྲིག་དང་འབྲོག་ཁྱིམ་དཔེ་ཁང་འཛུགས་པ་སོགས་ཀྱི་ནང་དོན་དང་ཟུང་འབྲེལ་བྱས་ཏེ། ཤེས་དཔལ་ལག་ལེན་བྱེད་སྒོར་གསོན་ཤུགས་རྒྱས་པ་དང་འཁྲུག་ཆ་དོད་དུ་བཏང་བ་རེད།