ད་ཕན་ལོ་ཤས་རིང་། ལྷ་ས་གྲོང་ཁྱེར་སྙེ་མོ་རྫོང་གིས་ཞིང་ལས་ཀྱི་ཐོན་ལས་གྲུབ་ཆ་ལེགས་སྒྲིག་ཧུར་ཐག་བྱས་ཏེ་ས་མཐོའི་གནམ་གཤིས་ཀྱི་ལེགས་ཆར་བརྟེན་ནས་སྤུས་ཀ་ལེགས་པའི་འབྲི་ཏ་ས་འཛིན་འདེབས་འཛུགས་ཁྱབ་གདལ་བཏང་ཡོད། དེ་དང་ཆབས་ཅིག་ལག་རྩལ་གསོ་སྦྱོང་དང་མ་དངུལ་རྒྱབ་སྐྱོར་སོགས་ཀྱི་བྱེད་ཐབས་བརྒྱུད། ཞིང་པ་འབྲི་ཏ་ས་འཛིན་འདེབས་འཛུགས་ནང་ཞུགས་རྒྱུར་སྐུལ་ལྕག་བྱས་ཁར། ཉེ་འཁོར་ཁྲོམ་ར་དང་སྦྲེལ་མཐུད་བྱས་ཏེ་བྲིན་ཚོང་ཐབས་ལམ་རྒྱ་ཆེར་བཏང་ཡོད། མིག་སྔར་སྙེ་མོའི་འབྲི་ཏ་ས་འཛིན་ལྷ་ས་གྲོང་ཁུལ་དང་དེ་བཞིན་ཉེ་འཁོར་ས་ཁུལ་དུ་བཙོངས་པར་འཛད་སྤྱོད་པས་ཧ་ཅང་དགའ་པོ་བྱེད་ཅིང་། འདི་ནི་ལྷ་ས་གྲོང་ཁྱེར་སྙེ་མོ་རྫོང་ཐོན་མིའི་དེང་རབས་ཞིང་ལས་ཐོན་ལས་གླིང་གི་འབྲི་ཏ་ས་འཛིན་དྲོད་ཁང་དུ་ལས་མིས་འབྲི་ཏ་ས་འཛིན་འཐུ་བཞིན་པ།