འདི་ནི་སི་ཁྲོན་ཞིང་ཆེན་མེན་དབྱང་གྲོང་ཁྱེར་ཨན་ཀྲོའུ་སློབ་འབྲིང་གི་སྐབས་དང་པོའི་བོད་ལྗོངས་འཛིན་གྲྭའི་སློབ་མས་ཤིང་འཛུགས་བྱེད་སྒོ་མཇུག་འགྲིལ་རྗེས་མཉམ་པར་རྒྱག་བཞིན་པ།

འདི་ནི་བོད་ལྗོངས་འཛིན་གྲྭའི་སློབ་མས་སེ་འབྲུའི་སྡོང་པོར་ཆུ་རྒྱག་བཞིན་པ།

ཉེ་ཆར། སི་ཁྲོན་ཞིང་ཆེན་མེན་དབྱང་གྲོང་ཁྱེར་ཨན་ཀྲོའུ་སློབ་འབྲིང་གིས་སྐབས་དང་པོའི་བོད་ལྗོངས་འཛིན་གྲྭའི་སློབ་མ་སྒྲིག་འཛུགས་བྱས་ནས་སློབ་གྲྭ་དེའི་ཧྲ་ཏིང་ཐང་ཆེན་དུ་མི་རིགས་མཐུན་སྒྲིལ་མཚོན་པའི་སེ་འབྲུའི་སྡོང་པོ་བཙུགས་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པ་དང“རི་སྔོན་ཆུ་དྭངས་གསེར་རི་དངུལ་རི་ལས་ལྷག་པའི”སྐྱེ་ཁམས་འདུ་ཤེས་ལག་ལེན་བསྟར་བ་རེད།

བྱེད་སྒོ་སྤེལ་བའི་ཉིན་མོར་བོད་ལྗོངས་འཛིན་གྲྭའི་སློབ་མ་ཧྲ་ཏིང་ཐང་ཆེན་དུ་འཛོམས་ནས་དོང་ཁུང་འདྲུ་བ་དང་། ལྗོན་ཤིང་འཛུགས་པ། ཆུ་གཏོང་བ་བཅས་བྱས་ཏེ་ངལ་རྩོལ་གྱི་སྤྲོ་སྣང་དང་དོན་སྙིང་ཚོར་བར་བྱས་པ་རེད།