འདི་ནི་གཞོན་ནུ་ལོ་ཆུང་གི་སྒྲ་སྙན་སྤྱི་ཕན་གསོ་སྦྱོང་འཛིན་གྲྭའི་སློབ་མས་འཁྲབ་སྟོན་བྱེད་བཞིན་པ།

ཉིན་ཤས་གོང་། སྣེ་གདོང་ཆུས་ཡར་སྟོད་ཤང་གིས“མངོན་མིན་རིག་གནས་རྒྱུན་འཛིན་བྱས་ནས་འབྱུང་འགྱུར་ལ་བཀྲག་མདངས་འཚེར་བར་བྱེད”ཅེས་པ་བརྗོད་དོན་གཙོ་བོར་བྱས་ནས་དུས་ཡུན་ཉིན་15ཡི་གཞོན་ནུ་ལོ་ཆུང་གི་སྒྲ་སྙན་སྤྱི་ཕན་གསོ་སྦྱོང་འཛིན་གྲྭ་གཉེར་བས། མངོན་མིན་རིག་གནས་ཤུལ་བཞག་རྒྱུན་འཛིན་དང་དར་སྤེལ་ཐུབ་པ་མ་ཟད། རྒྱ་ཆེའི་གཞོན་ནུ་ལོ་ཆུང་གི་དགུན་གསེང་གི་འཚོ་བ་ཕུན་སུམ་ཚོགས་སུ་དང་སྤྱི་པའི་རིག་གནས་ཞབས་ཞུའི་ཆུ་ཚད་མཐོ་རུ་ཕྱིན་ཡོད།

སློབ་ཁྲིད་བྱ་ཡུལ་དུ་སློབ་ཆུང་དང་། དམའ་འབྲིང་། མཐོ་འབྲིང་སོགས་ལོ་ཚོད་མི་འདྲ་བའི་སློབ་མ་40ལྷག་ཙམ་འཛིན་གྲྭ་དབྱེ་ནས་སློབ་ཁྲིད་བྱས་ཡོད། སློབ་ཁྲིད་དགེ་རྒན་ཚོས་སྒྲ་སྙན་གྱི་གྲུབ་ཆ་དང་། བཟོ་བའི་བརྒྱུད་རིམ། རིག་གནས་ཀྱི་འབྱུང་ཁུངས་སོགས་ཀྱི་ཐད་ནས་འགོ་བཙུགས་ཏེ་མངོན་མིན་རིག་གནས་ཤུལ་བཞག་ཁྱབ་གདལ་བཏང་བ་རེད། དེ་དང་ཆབས་ཅིག་སློབ་ཁྲིད་ཀྱི་དོན་དངོས་དང་ཟུང་འབྲེལ་བྱས་ཏེ་སྒྲ་སྙན་གྱི་ལུགས་མི་འདྲ་བའི་མཚོན་བྱེད་བརྩམས་ཆོས་དང་། སྒྲ་སྙན་དཀྲོལ་རྩལ། རོལ་དབྱངས་རིག་པ་སོགས་ཀྱི་ཐོག་ནས་སློབ་མར་ཆེད་དོན་སྦྱོང་བརྡར་བྱས་ཡོད།

ད་ཐེངས་ཀྱི་སྤྱི་ཕན་གསོ་སྦྱོང་འཛིན་གྲྭར་རྒྱ་ཆེའི་མང་ཚོགས་ཀྱི་གདེང་འཇོག་བཟང་པོ་མགྲིན་གཅིག་ཏུ་ཐོབ་ཡོད། ཡར་སྟོད་ཤང་ཏང་ཨུད་ཀྱི་འབྲེལ་ཡོད་འགན་འཁུར་བས། ཉེ་བའི་ལོ་ཤས་རིང་ཡར་སྟོད་ཤང་གིས་སྤྱི་པའི་རིག་གནས་ཀྱིས་ཞབས་འདེགས་ཡག་པོ་ཞུ་བར་བརྟེན་ནས་མང་ཚོགས་ལ་ཁོམ་པ་ཡོད་དུས་ཞབས་འདེགས་ཞུ་བ་དང་དུས་ངེས་མེད་དུ་ཞབས་འདེགས་ཞུ་བར་སྐུལ་འདེད་བཏང་བ་དང་། དུས་མཚུངས་དུས་རབས་གསར་པའི་ཤེས་དཔལ་ལག་ལེན་བསྟར་ཐབས་རྒྱུན་ཆད་མེད་པར་གསར་གཏོད་བྱས་ཏེ། རོལ་རྩེད་ཀྱི་ཞོར་ལ་སློབ་གསོ་ཐེབས་པ་དང་རིག་གནས་ལ་བརྟེན་ནས་མི་ཡག་པོ་སྐྱོང་བའི་དྲིལ་བསྒྲགས་སློབ་གསོའི་ཐབས་ལམ་གསར་པ་རྒྱ་ཆེར་བཏང་ཡོད།