ད་ལོའི་ཟླ་3ཚེས་12ཉིན་ནི་ལྕང་འཛུཌ་དུས་ཆེན་ཨང་47པ་རེད། ཉིན་དེར་རང་ལྗོངས་ཀྱི་ས་གནས་ཁག་གིས་ལྕང་འཛུགས་བྱེད་སྒོ་སྤེལ་ཞིང་། ལས་བྱེད་པ་དང་མང་ཚོགས་གཅིག་རྗེས་གཉིས་མཐུད་ངང་སྔོ་འགྱུར་ཁུལ་དང་སྔོ་འགྱུར་ས་ཚིགས་སུ་བསྐྱོད་ནས་འོས་འགན་ལྕང་འཛུགས་བྱེད་སྒོར་ཞུགས་ཡོད། བྱེད་སྒོ་སྤེལ་ཡུལ་དུ་ཚང་མས་སྤྲོ་སེམས་ཆེན་པོས་ལས་བགོས་རོགས་རེས་དང་གཞོགས་འདེགས་དམ་ཟབ་བྱས་ཤིང་། ཁག་གཅིག་གིས་ས་དོང་འདྲུ་བ་དང་། ཁག་གཅིག་གིས་སྡོང་ཕྲུག་སྐྱོར་བ། ཁག་གཅིག་གིས་ས་བཅག་བཅག་གཏོང་བ། ཁག་གཅིག་གིས་ཆུ་རྒྱག་པ་བཅས་གོ་རིམ་ལྡན་ལ་བྲེལ་བརྩོན་གྱི་རྣམ་པས་ཁེངས་ཡོད། འདི་ནི་ལྷོ་ཁ་གྲོང་ཁྱེར་གྱི་འོས་འགན་ལྕང་འཛུགས་བྱེད་སྒོ་སྤེལ་ཡུལ་ཡིན་པ།