རྒན་རྒོན་ཚོས་རྒྱལ་ཁབ་འཕེལ་རྒྱས་ཀྱི་གོམ་སྟབས་ཀྱི་རྗེས་སུ་དམ་པོར་འབྲང་བར་རམ་འདེགས་བྱེད་པ་དང་། སྡེ་ཁུལ་གྱི་རྒན་རྒོན་ལ་རྒྱལ་ཡོངས་ཚོགས་འདུ་གཉིས་ཀྱི་གནས་ཚུལ་ཤེས་རྟོགས་བྱེད་པར་སྟབས་བདེ་སྐྲུན་ཆེད། ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་རྔ་ཆེན་ཁྲོམ་གཞུང་རྔ་ཆེན་གྲོང་ཚོ་ཨུ་ལྷན་གྱིས་ཏང་དམངས་ཞབས་ཞུ་ལྟེ་གནས་ཀྱི་ཚོམས་ཆེན་དུ་ལོ་60ཡན་གྱི་རྒན་རྒོན་ལ་སྒྲ་སྡུད་འཕྲུལ་འཁོར་སྤྲོད་པའི་བྱེད་སྒོ་ཞིག་སྤེལ་བ་རེད། ཐེངས་འདིའི་བྱེད་སྒོ་དེ་གཙོ་བོ་སྒང་སྟོད་དང་དཔལ་རོང་གསར་བརྗེའི་དྲ་མིག་གི་ལོ་60ཡན་གྱི་རྒན་རྒོན（ཁྱོན་མི་124）ལ་དམིགས་པ་དང་ཁོང་ཚོ་མི་རེར་སྒྲ་སྡུད་འཕྲུལ་འཁོར་རེ་སྤྲད་པ་རེད། འདི་ནི་རྔ་ཆེན་གྲོང་ཚོ་ཨུ་ལྷན་གྱི་ལས་དོན་པས་སྡེ་ཁུལ་གྱི་རྒན་རྒོན་ལ་རིན་མེད་ངང་སྒྲ་སྡུད་འཕྲུལ་འཁོར་སྤྲོད་བཞིན་པ།