འགྲན་བསྡུར་གྱི་བྱ་དགའ་སྤྲོད་བཞིན་པ།

འགྲན་བསྡུར་གྱི་བྱ་དགའ་སྤྲོད་བཞིན་པ།

ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་ཧའེ་ཁྲེང་སློབ་ཆུང་གིས“ལུས་རྩལ་དང་སྒྱུ་རྩལ”ཞེས་པའི་འགྲན་བསྡུར་བྱས་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་འགྲན་བསྡུར་ནང་གྲུབ་འབྲས་ཡག་པོ་ཐོབ་མཁན་ལ་རྐང་རྩེད་སྤོ་ལོའི་འགྲན་བསྡུར་དང་། རི་མོའི་བརྩམས་ཆོས་ལེགས་འདེམས། འཇོན་ཐང་དང་རྩལ་ནུས་འགྲན་བསྡུར་ཆེ་མོ་སྐབས་དང་པོ་བཅས་ཡོད་པ་དང་། དེ་བཞིན་ཁྲེང་ཀོན་ཆུས་ཀྱི་སློབ་གྲྭ་འབྲིང་ཆུང་གི་སློབ་མའི་ལུས་རྩལ་འགྲན་ཚོགས་ཚུད་ཡོད་པ་རེད། སློབ་མ་ཚོ་འགྲན་བསྡུར་སྣ་ཚོགས་ནང་ཧུར་ཐག་ཞུགས་ནས་བསམ་པའི་ཉམས་འགྱུར་བཟང་པོ་དང་རྩལ་འགྲན་གྱི་ཆུ་ཚད་མངོན་པར་བྱས་པ་རེད།

ཐེངས་འདིའི་འགྲན་བསྡུར་ནི་སློབ་གྲྭས་ཁྱོན་ཡོངས་ནས་གསོ་སྐྱོང་ལྔ་གལ་ཆེ་མཉམ་དུ་འཛིན་རྒྱུ་དོན་འཁྱོལ་བྱེད་པ་དང་བྱང་ཚད་སློབ་གསོར་སྐུལ་འདེད་གཏོང་བའི་མཚོན་ཚུལ་གསོན་ཉམས་ལྡན་པ་ཞིག་རེད།