-
ལྷ་ས་གྲོང་ཁྱེར་སྟག་རྩེ་ཆུས་ཀྱི“པེ་ཅིང་དང་བོད་ཀྱི་རིག་གནས་མཉམ་འདྲེས་བྱས་ནས་གཉིས་ཁེའི་འབྱུང་འགྱུར་གསར་པ་མཉམ་དུ་གཏོད”ཅེས་པའི་ཚོང་འགུགས་འོས་སྦྱོར་ཚོགས་འདུ་པེ་ཅིང་དུ་འཚོགས་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-12-03
ཉེ་ཆར། ལྷ་ས་གྲོང་ཁྱེར་སྟག་རྩེ་ཆུས་ཀྱི“པེ་ཅིང་དང་བོད་ཀྱི་རིག་གནས་མཉམ་འདྲེས་བྱས་ནས་གཉིས་ཁེའི་འབྱུང་འགྱུར་གསར་པ་མཉམ་དུ་གཏོད”ཅེས་པའི་ཚོང་འགུགས་འོས་སྦྱོར་ཚོགས་འདུ་པེ་ཅིང་དུ་འཚོགས་ཤིང་། པེ་ཅིང་དང་བོད་ཀྱི་འབྲེལ་ཡོད་སྡེ་ཚན་གྱི་འགན་འཁུར་བ་དང་ཁེ་ལས་ཀྱི་འཐུས་མི་སོགས་མི་གྲངས་120ལྷག་ཙམ་ལྷན་དུ་འཛོམས་ནས་པེ་ཅིང་དང་བོད་ཀྱི་སྤེལ་རེས་མཉམ་ལས་ལ་སྔར་བས་སྐུལ་འདེད་གཏོང་བའི་ཇུས་ཆེན་ལ་མཉམ་དུ་གྲོས་བསྡུར་བྱས་ཡོད། འདི་ནི་ཁེ་ལས་ཀྱི་འཐུས་མིས་ལས་དོན་པའི་ས་ནས་བོད་ཀྱི་ཁྱད་ལྡན་ཐོན་རྫས་རྒྱུས་ལོན་བྱེད་བཞིན་པ།