-
སྒྲིག་ཆས་གསར་པ་བརྗེས་ནས་འཐུང་ཆུ་འགན་ལེན་བྱེད་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-09-07
ཉིན་ཤས་གོང་། རྒྱ་ཚ་རྫོང་ལྷ་གསོལ་ཤང་གི་ཆུ་གསོག་རྫིང་བུའི་ཆུ་འཐེན་འཕྲུལ་འཁོར་ལ་སྐྱོན་ཤོར་ནས་ཆུ་འཐེན་མ་ཐུབ་པས་ལྷ་གསོལ་ཤང་མཐའ་འཁོར་གྱི་སློབ་ཆུང་དང་། འཕྲོད་བསྟེན་ཁང་། ཞིང་ལས་དངུལ་ཁང་ལས་གཉེར་ཁང་། མངགས་གཏོང་ཁང་བཅས་དང་དེ་བཞིན་ལྷ་གསོལ་གྲོང་ཚོའི་མང་ཚོགས་ཀྱི་རྒྱུན་གཏན་འཚོ་བར་ཤུགས་རྐྱེན་ངེས་ཅན་ཐེབས་ཡོད་པ་རེད། གནས་ཚུལ་དེར་དམིགས་ནས། ལྷ་གསོལ་ཤང་གིས་རྒྱ་ཚ་རྫོང་ཆུ་བེད་ཅུས་དང་འབྲེལ་གཏུག་ཧུར་ཐག་བྱས་ནས་འབྲེལ་ཡོད་སྒྲིག་ཆས་ཉམས་གསོ་དང་ཆེད་ལས་མི་སྣ་དང་མཐུན་སྦྱོར་བྱས་ནས་ཆུ་འཐེན་འཕྲུལ་འཁོར་བརྗེ་པོ་བརྒྱབ་པ་མ་ཟད། ད་དུང་མ་དངུལ་སྒོར་ཁྲི་2ལྷག་ཙམ་བཏང་ནས་ཆུ་མདོང་སོགས་ཆུ་གསོག་རྫིང་བུར་མཁོ་བའི་སྒྲིག་བཀོད་ཉོས་པ་རེད། ཉམས་བཟོ་བྱེད་རིང་མང་ཚོགས་ལ་ཆུ་མེད་པའི་གནས་ཚུལ་མི་ཐོན་པར་བྱ་ཆེད། ལྷ་གསོལ་ཤང་སྲིད་གཞུང་གིས་ད་དུང་ཏང་ཡོན་ལས་བྱེད་པ་དང་དུས་རབས་གསར་པའི་ཤེས་དཔལ་ལག་ལེན་དང་བླངས་པ་སྒྲིག་འཛུགས་བྱས་ནས་ཡུར་བུ་བཟོ་བ་དང་ཆུ་མདོང་ཁྲིད་པ་སོགས་བྱས་ཏེ་ཆུ་གསོག་རྫིང་བུ་གསར་པ་སྟབས་བདེ་ཞིག་གང་མགྱོགས་བཟོས་ཏེ་སློབ་གྲྭའི་དགེ་སློབ་དང་། མི་དམངས་ཉེན་རྟོག་པ། མང་ཚོགས་བཅས་ཀྱི་རྒྱུན་སྤྱོད་འཐུང་ཆུ་འགན་ལེན་ཏན་ཏིག་བྱས་པ་རེད། འདི་ནི་ལས་དོན་པས་འཐུང་ཆུའི་མདོང་ལམ་གསར་པ་ཁྲིད་བཞིན་པ།