ཟླ་9ཚེས་1ཉིན། ལྷོ་ཁ་གྲོང་ཁྱེར་མི་དམངས་སྲིད་གཞུང་གིས་གཙོ་གཉེར་བྱས་པའི་2024ལོའི་ཡར་འབྲོག་གཡུ་མཚོ་སྐོར་བའི་རྐང་འཁོར་ཡོངས་བསྒྲགས་འགྲན་བསྡུར་དང་ཕུ་མ་གཡུ་མཚོ་སྐོར་བའི་འཛམ་གླིང་ཐོག་གི་ས་བབ་མཐོ་ཤོས་ཀྱི་རྐང་འཁོར་འགྲན་བསྡུར་གྱི་འགོ་ཚུགས་མཛད་སྒོ་གཉེར་བ་རེད། འགོ་ཚུགས་མཛད་སྒོའི་ཐོག་གླུ་གར་འཁྲབ་སྟོན་དང་། རྐང་འཁོར་རྩལ་ངོམ། སྤྱི་ལེ་5ཡི་གྲོང་སྐོར་རྐང་འཁོར་འགྲན་བསྡུར་སོགས་ཀྱི་བྱེད་སྒོ་གཅིག་རྗེས་གཉིས་མཐུད་ངང་སྤེལ་ནས་འགྲན་བསྡུར་དངོས་མ་བྱས་གོང་འཁྲུག་ཆ་དོད་པའི་རྣམ་པ་ཞིག་བཏོད་ཡོད་པ་རེད།

ད་ཐེངས་ཀྱི་འགྲན་བསྡུར་དུས་ཡུན་ཉིན་གཉིས་ཡིན་པ་དང་། ཟླ་9ཚེས་2ཉིན་2024ལོའི་ཡར་འབྲོག་གཡུ་མཚོ་སྐོར་བའི་རྐང་འཁོར་ཡོངས་བསྒྲགས་འགྲན་བསྡུར་བྱས་ཤིང་། འགྲན་བསྡུར་གྱི་ལམ་ཐག་ལ་སྤྱི་ལེ་56ཡོད་པ་དང་ས་བབ་མཐོ་ཤོས་སུ་སྨི་4555ཟིན་གྱི་ཡོད། ཟླ་9ཚེས་3ཉིན་ཕུ་མ་གཡུ་མཚོ་སྐོར་བའི་འཛམ་གླིང་ཐོག་གི་ས་བབ་མཐོ་ཤོས་ཀྱི་རྐང་འཁོར་འགྲན་བསྡུར་བྱེད་ཅིང་། འགྲན་བསྡུར་གྱི་ལམ་ཐག་ལ་སྤྱི་ལེ་80.88ཡོད་པ་དང་ས་བབ་མཐོ་ཤོས་སུ་སྨི་5118ཟིན་གྱི་ཡོད། རྒྱལ་ཡོངས་ས་གནས་ཁག་གི་ལུས་རྩལ་པ་ཁྱོན་80ལྷག་ཙམ་འགྲན་བསྡུར་ལ་ཞུགས་ཡོད་པ་རེད། འདི་ནི་བདམས་ཐོན་པས་སྤྱི་ལེ་5ཡི་གྲོང་སྐོར་རྐང་འཁོར་འགྲན་བསྡུར་ལ་ཞུགས་བཞིན་པ།