ཉེ་བའི་ལོ་ཤས་རིང་། སྨན་གླིང་གྲོང་ཁྱེར་གནས་ཡུལ་ལྷོ་པ་མི་རིགས་ཤང་ཚལ་ཁྲོབ་གྲོང་ཚོར་ཡུལ་སྐོར་དུ་ཡོང་མཁན་ཇེ་མང་དུ་ཕྱིན་པ་དང་བསྟུན་ནས་གྲོང་མི་ཡ་དར་ལ་དམངས་སྲོལ་གནས་ཚང་གཉེར་རྒྱུའི་བསམ་བློ་འཁོར། དེར་བརྟེན་ཁོང་གིས་ཁྱོ་ག་ཀྲེང་ཏིང་ཆོན་ལ་སི་ཁྲོན་དུ་གཡོས་སྦྱོར་དང་དམངས་སྲོལ་གནས་ཚང་དོ་དམ་སོགས་ཀྱི་རྩལ་ནུས་སྦྱོང་བར་འགྲོ་དགོས་པའི་ལྕག་སྐུལ་བྱས་པ་མ་ཟད། མ་དངུལ་སྒོར་ཁྲི་20ལྷག་ཙམ་བཏང་ནས་རང་ཁྱིམ་ལ་མཛེས་བཟོ་བྱས་ཏེ་དམིགས་བསལ་ཁྱད་ཆོས་ལྡན་པའི་དམངས་སྲོལ་གནས་ཚང་ཞིག་བསྐྲུན་ཞིང་། འདི་ལོའི་ཟླ་4པར་དམངས་སྲོལ་གནས་ཚང་གཉེར་བ་ནས་བཟུང་ཡོང་འབབ་སྒོར་ཁྲི་10ལྷག་ཙམ་བྱུང་ཡོད་པ་རེད། འདི་ནི་ཡ་དར་དང་བཟའ་ཟླས་ཡུལ་སྐོར་བར་འབྲི་ཏ་ས་འཛིན་འཐུ་བཞིན་པ།