ཟླ་7ཚེས་26ཉིན། རང་སྐྱོང་ལྗོངས་ལུས་རྩལ་ཅུས་དང་མངའ་རིས་ས་ཁུལ་སྲིད་འཛིན་ཀུང་ཧྲུའུ་ཡིས་གཙོ་གཉེར་བྱས་པའི་2024ལོའི་མངའ་རིས་ས་ཁུལ་གྱི་རྐང་འཁོར་ཐང་རྒོད་འགྲན་སློང་འགྲན་བསྡུར་སྐབས་བཞི་པ་མངའ་རིས་ས་ཁུལ་སྤུ་ཧྲེང་རྫོང་ཧོར་ཤང་དུ་འགོ་ཚུགས་པ་རེད།

ད་ཐེངས་ཀྱི་འགྲན་བསྡུར་ནང་། སྐྱེས་པའི་མི་སྒེར་གྱི་འགྲན་བསྡུར་དང་། བུད་མེད་ཀྱི་མི་སྒེར་གྱི་འགྲན་བསྡུར། ཚོགས་པའི་འགྲན་བསྡུར་བཅས་ཚོགས་ཁག་གསུམ་ལ་ཕྱེ་བ་དང་འགྲན་བསྡུར་ལམ་རྒྱུད་ཀྱི་ས་བབ་མཐོ་ཚད་སྨི་4500ནས་4700བར་ཟིན་པས། དེ་ནི་རྒྱལ་ནང་གི་ས་བབ་མཐོ་ཤོས་ཀྱི་རི་ཁུལ་རྐང་འཁོར་འགྲན་བསྡུར་གྱི་གྲས་ཤིག་རེད། འདི་ནི་བདམས་ཐོན་པས་འགྲན་བསྡུར་གྱི་འགོ་འཛུགས་ས་ནས་ཐོན་བཞིན་པའི་གནས་ཚུལ་ཡིན་པ།