རུ་ཐོག་རྫོང་མེ་ཟོན་རོགས་སྐྱོབ་རུ་ཆེན་གྱི་དྲིལ་བསྒྲགས་པས་མཚོ་མོ་ངང་ལ་རིང་མོའི་མཛེས་ལྗོངས་ཁུལ་གྱི་ལས་དོན་པར་མེ་ཟོན་གསོ་སྦྱོང་བྱས་ནས་ས་གནས་ས་ཐོག་ཏུ་མེ་གསོད་སྟངས་སློབ་བཞིན་པ།

ལྷ་ས་གྲོང་ཁྱེར་ནོར་བུ་གླིང་ཁའི་མེ་ཟོན་རོགས་སྐྱོབ་རུ་ཆེན་གྱི་དྲིལ་བསྒྲགས་པས་ནོར་བུ་གླིང་ཁའི“གངས་ལྗོངས་ཀྱི་མེ་གསོད་རུ་མིའི་ཞབས་ཞུའི་ས་ཚུགས”སུ་མེ་ཟོན་དྲིལ་བསྒྲགས་བྱས་ནས་མཛེས་ལྗོངས་ཁུལ་གྱི་ཡུལ་སྐོར་བར་མེ་ཟོན་དྲིལ་བསྒྲགས་ཀྱི་ཐོན་རྫས་སྤྲོད་བཞིན་པ།

སྤུ་ཧྲེང་རྫོང་མེ་ཟོན་རོགས་སྐྱོབ་རུ་ཆེན་གྱི་དྲིལ་བསྒྲགས་པས་གངས་རིན་པོ་ཆེ་མཛེས་ལྗོངས་ཁུལ་དུ་ཡུལ་སྐོར་ལས་ཀ་བྱེད་མཁན་དང་ཡུལ་སྐོར་བར་མེ་ཟོན་དྲིལ་བསྒྲགས་ཀྱི་དཔྱད་ཡིག་སྤྲད་དེ་མེ་ཟོན་བདེ་འཇགས་ཀྱི་རྒྱུན་ཤེས་ལ་འགྲེལ་བཤད་རྒྱག་བཞིན་པ།

ཉིན་ཤས་བསྟུད་མར། རང་ལྗོངས་ཀྱི་རིམ་ཁག་མེ་ཟོན་རོགས་སྐྱོབ་རུ་ཁག་གིས་དབྱར་ཁའི་མེ་སྐྱོན་གྱི་ཁྱད་ཆོས་དང་ཟུང་འབྲེལ་དམ་ཟབ་དང་། ཁོངས་གཏོགས་ཁུལ་དུ་ཡུལ་སྐོར་བྱེད་མཁན་མང་བའི་དུས་ཚིགས་ཀྱི་མེ་སྐྱོན་སྔོན་འགོག་དང་ཚོད་འཛིན་གྱི་དུས་བབ་ལ་བརྡར་ཤ་གནད་སྨིན་བཅད་དེ། རང་འགུལ་ངང་བྱས་རྗེས་འཇོག་པ་དང་ཡུལ་བབ་དང་བསྟུན་ནས་ཉེན་ཟོན་རང་བཞིན་དང་། ཚད་ལྡན་རང་བཞིན། ཁྲིད་སྟོན་རང་བཞིན་བཅས་ལྡན་པའི་མེ་ཟོན་བདེ་འཇགས་དྲིལ་བསྒྲགས་སློབ་གསོའི་བྱེད་སྒོ་རབ་དང་རིམ་པ་གསར་དུ་བཏོད་ནས་སྤེལ་ཡོད།

བྱེད་སྒོ་སྤེལ་རིང་། ས་གནས་ཁག་གི་མེ་ཟོན་དྲིལ་བསྒྲགས་པས་མཛེས་ལྗོངས་ཁུལ་ཉེ་འཁོར་གྱི་ཟ་ཁང་དང་། གསོལ་མགྲོན་ཁང་། རོལ་རྩེད་ཁང་། “དྲ་ཐོག་མིང་ཅན”བསྐྱོད་ས་སོགས་མི་འདུ་འཛོམས་བྱེད་མང་སར་དྲིལ་བསྒྲགས་བྱ་ཡུལ་འཛུགས་པ་དང་། “དུད་ཚང་དུ་སྐྱོད་པ” སྡེ་ཁུལ་དུ“དུང་བརྡ་སྒྲོག་པ”སོགས་ཀྱི་བྱ་ཐབས་བརྒྱུད། མེ་གསོད་ཡོ་ཆས་ཡང་དག་སྤྱད་ནས་མེ་འབར་མ་ཐག་གསོད་པ་དང་། བདེ་འཇགས་ངང་གློག་སྒུལ་སྦག་སྦག་གི་གློག་གསོག་པ། ཁྱིམ་གྱི“གཙང་བཟོ་གསུམ་དང་བཀག་དགོས་པ་གསུམ”གྱི་མེ་སྐྱོན་ཐོན་ས་ནས་སྲོག་ཉེན་ལས་ཐར་ཐབས་སོགས་ཀྱི་མེ་ཟོན་བདེ་འཇགས་ཀྱི་ནང་དོན་ལ་དམིགས་ཏེ། དྲིལ་བསྒྲགས་བྱེད་ཞོར་གསོ་སྦྱོང་བྱས་ནས་མེ་ཟོན་བདེ་འཇགས་ཀྱི་ཤེས་བྱ་སེམས་ལ་འཇགས་རྒྱུར་སྐུལ་འདེད་བཏང་ཡོད། གཞན་ཡང་། རིམ་ཁག་མེ་ཟོན་རོགས་སྐྱོབ་རུ་ཁག་གིས་ཕྱི་རོལ་གྱི་བརྙན་ཤེལ་ཆེན་པོ་དང་། ཁང་ལྡེབས་བརྙན་འཕྲིན། མཛེས་ལྗོངས་ཁུལ་གྱི་སྒྲ་བརྙན་སྒྲིག་བཀོད་སོགས་སྨྱན་སྦྱོར་ནས་མེ་སྐྱོན་སྔོན་འགོག་གི་བདེ་འཇགས་དྲན་སྐུལ་དང་མེ་ཟོན་གྱི་སྤྱི་ཕན་བརྡ་ཁྱབ་ཐེངས་མང་བསྟན་ཏེ་མེ་ཟོན་བདེ་འཇགས་དྲིལ་བསྒྲགས་ཀྱི་རྣམ་པ་བཟང་པོ་ཞིག་བཏོད་ཡོད།