ནག་ཆུ་གྲོང་ཁྱེར་ཨ་མདོ་རྫོང་བྲག་སྨུག་གྲོང་རྡལ་དང་སྟོད་མ་ཤང་གི་འབྲེལ་མཚམས་སུ་ཡོད་པའི་འདམ་ཆུའི་ཐོག་ལོ་རབས་མི་འདྲ་བར་བསྐྲུན་པའི་ཟམ་པ་གསུམ་ཆུ་བོ་འཕྲེད་བཅད་དུ་གནས་པ་དེས་བོད་ཀྱི་འགྲིམ་འགྲུལ་བྱ་གཞག་འཕེལ་རྒྱས་དང་འཕོ་འགྱུར་གྱི་བདེན་དཔང་བྱེད་ཀྱི་ཡོད། སྒྱུར་བཅོས་སྒོ་དབྱེ་དང་ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བོད་ཀྱི་འགྲིམ་འགྲུལ་འཕེལ་རྒྱས་མགྱོགས་མྱུར་ཕྱིན་པའི་ལོ་རྒྱུས་ཀྱི་དུས་སྐབས་ཡག་ཤོས་སུ་སླེབས་ཤིང་། མཐུན་སྒྲིལ་གྱི་ལམ་ཐིག་དང་བདེ་སྐྱིད་ཀྱི་ལམ་བུ་རེ་རེ་གངས་ལྗོངས་ས་མཐོར་སྣུར་བསྲིང་ཐུབ་ནས་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་གསོན་ཤུགས་གསར་པ་བསྣན་ཡོད། འདི་ནི་འདམ་ཆུ་གཙང་པོའི་ཐོག་གི“རབས་གསུམ་གྱི་ཟམ་པ”ཡིན་པ།