ཟླ་6ཚེས་13ཉིན་གྱི་ས་སྲིབ་མཚམས་སུ་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དུ་གཙོད་ཁྱུ་གནས་སྤོ་བཞིན་པ།

རྩྭ་སྐྱ་གཙང་འགྲམ་གྱི་འཁྱགས་སའི་གྲམ་ཐང་ནས་གཙོད་ཕྲུག་སྐྱེ་སར་གནས་སྤོ་བཞིན་པའི་གཙོད་ཡིན་པ། (ཟླ་6ཚེས་15ཉིན་པར་དུ་བླངས་པ)

གཙོད་ཁྱུ་རྩྭ་སྐྱ་གཙང་འགྲམ་གྱི་འཁྱགས་སའི་གྲམ་ཐང་བརྒྱུད་དེ་གཙོད་ཕྲུག་སྐྱེ་སར་གནས་སྤོ་བཞིན་པ། (ཟླ་6ཚེས་15ཉིན་པར་དུ་བླངས་པ)

ཟླ་6ཚེས་15ཉིན་གྱི་ཞོགས་པར་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ནས་པར་དུ་བླངས་པའི་གནས་སྤོ་བཞིན་པའི་གཙོད་ཁྱུ་ཡིན་པ།

གཙོད་ཕོ་ཁ་ཤས་ཀྱིས་གཙོད་མོ་མདུན་དུ་སྐྱོད་པར་སྲུང་སྐྱོང་བྱེད་བཞིན་པ། (ཟླ་5ཚེས་8ཉིན་པར་དུ་བླངས་པ)

མཚོ་བོད་ས་མཐོའི་ས་གཞི་ཆེན་པོར་གཙོད་མོ་ཁྱུ་དང་ཁྱུ་བསྒྲིགས་ནས་གཅིག་རྗེས་གཉིས་མཐུད་ངང“སྐྱེ་ཁང”ཕྱོགས་སུ་སྐྱོད་པ་དེ“གོ་ལ་ཧྲིལ་པོའི་ཆེས་བརྗིད་ཆགས་པའི་རྨིག་ལྡན་སྲོག་ཆགས་ཀྱི་གནས་སྤོ་ཆེན་པོ་གསུམ་གྱི་གྲས་ཤིག”ཅེས་པའི་གཙོད་གནས་སྤོ་རེད།

ལོ་ལྟར་གྱི་ཟླ་5པ་ནས་ཟླ་7པའི་བར་ནི་བོད་བྱང་ཐང་གི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་གཙོད་མོ་གནས་སྤོ་རྒྱུད་སྤེལ་གྱི་དུས་ཚིགས་ཡིན་ཞིང་། དུས་འདིར་གཙོད་མོ་ཁྲི་གྲངས་བྱང་ཐང་སྲུང་སྐྱོང་ཁུལ་གྱི་དམར་སྒང་ཚྭ་ཁའི་ཉེ་འགྲམ་དང་གཡུ་ལུང་གཙང་འགྲམ་དུ་གཙོད་ཕྲུག་བཙའ་བར་འགྲོ་བ་དང་གཙོད་ཕྲུག་བཙས་རྗེས་གཙོད་ཕྲུག་ཁྲིད་ནས་སྔར་གྱི་གནས་ཡུལ་དུ་ལོག་ཡོང་གི་ཡོད།

2024ལོའི་ཟླ་6ཚེས་5ཉིན་བོད་རང་སྐྱོང་ལྗོངས་སྐྱེ་ཁམས་ཁོར་ཡུག་ཐིང་གིས་ཁྱབ་བསྒྲགས་བྱས་པའི《2023བོད་རང་སྐྱོང་ལྗོངས་སྐྱེ་ཁམས་ཁོར་ཡུག་གནས་ཚུལ་སྐོར་གྱི་སྤྱི་བསྒྲགས》ནང་། གཙོད་ཁྲི་30ལྷག་ཙམ་བར་མང་དུ་སོང་བ་འཁོད་ཡོད།

ཟླ་5པ་ནས་ཤིན་ཧྭ་གསར་འགྱུར་ཁང་གི་གསར་འགོད་པས་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དུ་གཙོད་གནས་སྤོ་བྱེད་རིང་གི་གནས་ཚུལ་ལ་རྗེས་སྙེག་པར་ལེན་བྱེད་པར་བསྐྱོད་པ་དང་། ཟླ་6ཚེས་12ནས་15ཉིན་བར་གསར་འགོད་པས་རི་སྐྱེས་སྲོག་ཆགས་ཀྱི་ཆེད་ལས་དོ་དམ་སྲུང་སྐྱོང་རུ་མི་དང་མཉམ་དུ་བྱང་ཐང་སྲུང་སྐྱོང་ཁུལ་དུ་བསྐྱོད་ཅིང་། ས་བབ་མཐོ་ཚད་སྨི་5400ཡས་མས་ཀྱི་རྩྭ་སྐྱ་གཙང་འགྲམ་དུ་ཉིན་བཞི་མཚན་གསུམ་སྒར་བརྒྱབ་ནས་བསྡད་དེ། ངོ་མཚར་ཆེ་ལ་བརྗིད་ཆགས་པའི་གཙོད་གནས་སྤོ་བྱེད་ཚུལ་ཟིན་ཐོར་བཀོད་ཡོད།