-
གྲོང་གསེབ་དར་རྒྱས་ཀྱི་རྣམ་པ་གསར་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-04-27
ཉེ་ཆར། “དགུ་ཐང་ཤང་གི་2024ལོའི་དཔྱིད་ཀྱི་ཇ་ལོ་འཐུ་བའི་མཛད་སྒོ”ཉིང་ཁྲི་གྲོང་ཁྱེར་མེ་ཏོག་རྫོང་དགུ་ཐང་ཤང་བདེ་སྐྱིད་གྲོང་ཚོའི་ཇ་རར་སྤེལ་ཞིང་། བྱེད་སྒོ་སྤེལ་སར་བོད་ལྗོངས་ཉིང་ཁྲི་མེ་ཏོག་ནོར་བཅུ་ཇ་ལོ་ཚད་ཡོད་ཀུང་སིའི་ཆེད་ལས་ལག་རྩལ་པས་ཇ་ལོ་འཐུ་སྟངས་སྐོར་ལ་འགྲེལ་བཤད་ཞིབ་ཚགས་བརྒྱབ་པ་མ་ཟད། ས་གནས་ས་ཐོག་ཏུ་སློབ་པ་དང་ཞིང་འབྲོག་མང་ཚོགས་ཚོས་ཧུར་ཐག་སྦྱངས་ནས་ཇ་ལོ་འཐུ་བའི་ལག་རྩལ་མཐོ་རུ་བཏང་ཡོད། ཇའི་ཐོན་ལས་ཟམ་མི་ཆད་པར་འཕེལ་རྒྱས་ཕྱིན་པར་བརྟེན་གྲོང་མི་ཚོའི་ཡིད་ཆེས་འཕེལ་བ་དང་ངར་ཤུགས་ལ་སྐུལ་མ་ཐེབས་ཏེ། ཤང་ཡོངས་ཀྱི་ཇའི་ཐོན་ལས་འཁོར་འབྲེལ་སྤྱི་ཡོངས་ཀྱི་ཆུ་ཚད་ལ་ཚད་བརྒལ་གསར་པ་བྱུང་ནས། གྲོང་གསེབ་དར་རྒྱས་ལ་སྐུལ་འདེད་གཏོང་ཆེད་ལེའུ་གསར་པ་བརྩམས་ཤིང་། འདི་ནི་མང་ཚོགས་ཚོས་ཇ་ལོ་འཐུ་བཞིན་པ།