མིག་སྔར། ལྗོངས་ཡོངས་ཀྱི་གོང་འོག་ཚང་མས་ཞི་ཅིན་ཕིང་གི་སྐྱེ་ཁམས་ཤེས་དཔལ་དགོངས་པ་ལག་བསྟར་དོན་འཁྱོལ་གཏིང་ཟབ་བྱས་ཏེ། ཡུལ་བབ་དང་བསྟུན་ནས་སྔོ་འགྱུར་ནགས་བཟོ་དང་སྲུང་སྐྱོང་མཐའ་འཁྱོངས་བྱས་ནས་རྒྱལ་ཁབ་ས་ཆའི་སྔོ་འགྱུར་ཆུ་ཚད་རྒྱུན་ཆད་མེད་པར་མཐོ་རུ་བཏང་བ་མ་ཟད། རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་འཛུགས་གཏོད་བྱེད་ཚད་མགྱོགས་སུ་བཏང་ཡོད། ཉིན་ཤས་གོང་། འབྲི་རུ་རྫོང་གིས་ལས་བྱེད་པ་དང་མང་ཚོགས་800ལྷག་ཙམ་སྒྲིག་འཛུགས་བྱས་ནས་འོས་འགན་ཤིང་འཛུགས་བྱེད་སྒོར་ཞུགས་ཤིང་། ད་ཐེངས་དམངས་ཡོངས་ཀྱི་འོས་འགན་ཤིང་འཛུགས་ནགས་བཟོའི་བྱེད་སྒོར་སྡོང་ཕྲུག་རྐང་ཁྲི་1.2བཏབ་པར་ཤིང་འཛུགས་རྒྱ་ཁྱོན་མུའུ་300ལྷག་ཙམ་ཟིན་གྱི་ཡོད་པ་རེད།