འདི་ནི་ལྷོ་ཁ་གྲོང་ཁྱེར་སྤྱི་བདེ་མི་དམངས་ཉེན་རྟོག་པས་རླངས་འཁོར་ལ་ཞིབ་བཤེར་བྱེད་བཞིན་པ།

འདི་ནི་ལྷོ་ཁ་གྲོང་ཁྱེར་སྤྱི་བདེ་མི་དམངས་ཉེན་རྟོག་པས་དམག་ཁྱི་བཏང་ནས་དུག་འཐེན་འཁོར་གཏོང་བྱས་མེད་ལ་ཞིབ་བཤེར་བྱེད་བཞིན་པ།

ཉིན་ཤས་གོང་། ལྷོ་ཁ་གྲོང་ཁྱེར་སྤྱི་བདེ་ཅུས་ཀྱིས་གྲོང་ཁུལ་གྱི་འགྲིམ་འགྲུལ་ལམ་མདོ་ཁ་གཙོ་བོར་ཚན་རིག་དང་མཐུན་པའི་ངང་ཉེན་རྟོག་པ་བཏང་སྟེ། ཆང་བཏུངས་འཁོར་གཏོང་དང་། ར་བཟི་འཁོར་གཏོང་། དུག་འཐེན་འཁོར་གཏོང་བཅས་བཅོས་སྒྲིག་བྱེད་པའི་བྱ་སྤྱོད་ཏན་ཏིག་སྤེལ་ནས་འགྲིམ་འགྲུལ་གྱི་ཁྲིམས་འགལ་བྱེད་སྤྱོད་སྣ་ཚོགས་ལ་རྡུང་རྡེག་ཚ་ནན་བཏང་བས་གཞུང་ལམ་འགྲིམ་འགྲུལ་བདེ་འཇགས་ཀྱི་འགོག་རགས་བརྟན་དུ་ཏན་ཏིག་ཕྱིན་པ་དང་ཆབས་ཅིག མི་དམངས་མང་ཚོགས་ཀྱི་འགྲོ་སྐྱོད་བདེ་འཇགས་ལ་ནུས་ཤུགས་ཡོད་རྒུས་སྲུང་སྐྱོང་ཡང་བྱས་པ་རེད།

བྱ་སྤྱོད་སྤེལ་རིང་མི་དམངས་ཉེན་རྟོག་པས་ཁོངས་གཏོགས་ཁུལ་གྱི་དོན་དངོས་གནས་ཚུལ་དང་མང་ཚོགས་འགྲོ་སྐྱོད་ཀྱི་ཁྱད་ཆོས་དང་ཟུང་འབྲེལ་གྱིས་གཙོ་གནད་ལམ་དུམ་དུ་ཞིབ་བཤེར་བྱ་སྤྱོད་སྤེལ་བ་རེད། ལས་སྒྲུབ་མི་དམངས་ཉེན་རྟོག་པས་ཕན་ཚུན་གཞོགས་འདེགས་དང་ལས་བགོས་ཁ་གསལ་གྱིས་ཨ་རག་གི་ཉིང་ཁུ་ཞིབ་དཔྱད་ཚད་ལེན་དབྱུག་པ་དང་གཅིན་པར་ཞིབ་དཔྱད་ཚད་ལེན་སོགས་ཀྱི་སྒྲིག་ཆས་སྤྱད་དེ་ཕར་འགྲོ་ཚུར་འོང་བྱེད་པའི་རླངས་འཁོར་གྱི་ཁ་ལོ་བ་ཚང་མར་ཞིབ་བཤེར་བྱས་པ་མ་ཟད། ཆང་བཏུངས་འཁོར་གཏོང་དང་། ར་བཟི་འཁོར་གཏོང་། དུག་འཐེན་འཁོར་གཏོང་། ལག་ཁྱེར་མེད་པར་འཁོར་གཏོང་། འཁོར་རྟགས་དང་ལག་ཁྱེར་ལ་འབྲེལ་བ་ཡོད་པ་སོགས་ཀྱི་ཁྲིམས་འགལ་བྱེད་སྤྱོད་ལ་གཙོ་གནད་ཐོག་ཞིབ་བཤེར་ཐག་གཅོད་ཀྱང་བྱས་པ་རེད།