2024ལོའི་རྒྱལ་ཡོངས་ཚོགས་འདུ་གཉིས་འཚོག་ཉེའི་མཚམས་སུ། པེ་ཅིང་ནུབ་ཁྲང་ཨན་ཁྲོམ་གཞུང་གི་བྱང་ངོས་མེ་ཏི་ཡ་ལྟེ་གནས་སུ་བཙུགས་པའི་རྒྱལ་ཡོངས་ཚོགས་འདུ་གཉིས་ཀྱི་གསར་འགྱུར་ལྟེ་གནས་ཟླ་2ཚེས་27ཉིན་དངོས་སུ་སྤྱོད་འགོ་ཚུགས་པ་རེད། མིག་སྔར་ཀྲུང་གོ་དང་ཕྱི་རྒྱལ་གྱི་གསར་འགོད་པ་3000ལྷག་ཙམ་གྱིས་རྒྱལ་ཡོངས་ཚོགས་འདུ་གཉིས་ལ་བཅར་འདྲིའི་མིང་ཐོ་བཀོད་པ་དང་། ཀྲུང་གོ་དང་ཕྱི་རྒྱལ་གྱི་གསར་འགོད་པའི་མིང་ཐོ་འགོད་ཚད་ཉེ་བའི་ལོ་ཤས་ལས་མངོན་གསལ་དོད་པོས་མང་དུ་ཕྱིན་ཡོད་པ་རེད། གསར་འགྱུར་ཡོངས་བསྒྲགས་ཚོམས་ཆེན་དང་གསར་འགྱུར་ལྟེ་གནས་ཀྱི་བཅར་འདྲི་ཁང་བཀོད་སྒྲིག་ཡག་པོ་བྱས་ཟིན་པ་དང་། སྐབས་དེ་དུས་བཅར་འདྲིའི་བྱེད་སྒོ་རབ་དང་རིམ་པ་དེ་གར་སྤེལ་རྒྱུ་རེད།