དཔྱིད་གསར་སྐྱེལ་འདྲེན་རིང་འགྲིམ་འགྲུལ་བདེ་འཇགས་འགན་ལེན་གྱི་ལས་དོན་ཡག་པོ་སྒྲུབ་ཆེད། ཉེ་ཆར་ཆབ་མདོ་གྲོང་ཁྱེར་གོ་འཇོ་རྫོང་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་གྱིས་རྒྱུན་རྣམ་ཅན་གྱི་ལམ་ངོས་ཞིབ་བཤེར་གྱི་ལས་དོན་སྤེལ་ཏེ། འཁོར་རྟགས་དང་ལག་ཁྱེར་མེད་པ་དང་། “ཚད་བརྒལ་གསུམ་དང་ངལ་དུབ་གཅིག” འགྲུལ་པ་དང་དངོས་ཟོག་མཉམ་བླུག་སོགས་ཀྱི་ཁྲིམས་འགལ་བྱེད་སྤྱོད་ལ་ཞིབ་བཤེར་ནན་པོ་བྱས་པ་རེད། འདི་ནི་འགྲིམ་འགྲུལ་ཉེན་རྟོག་པས་ཁ་ལོ་བའི་འབྲེལ་ཡོད་ལག་ཁྱེར་ལ་ཞིབ་བཤེར་བྱེད་བཞིན་པ།