རྒན་རྒོན་ཚོ་ཁྱིམ་ནས་དོན་མི་དགོས་པར་སྨན་བཅོས་ཀྱི་ཞབས་ཞུ་ཡག་པོ་ལོངས་སྤྱོད་ཐུབ་ཆེད། ལྷ་ས་གྲོང་ཁྱེར་སྤྱི་ཚོགས་ཕན་བདེ་ཁང་གིས་རྒན་གསོ་ཁང་དུ་བཅའ་སྡོད་སྨན་པ་བཀོད་སྒྲིག་བྱས་ནས། དེ་གར་ཡོད་པའི་རྒན་རྒོན་ཚོར་དུས་བཀག་ལྟར་བརྟག་དཔྱད་དང་སྨན་བཅོས་བྱས་པ་དང་འབྲེལ། རྒན་རྒོན་གྱི་བདེ་ཐང་གནས་ཚུལ་ཟིན་ཐོར་འགོད་བཞིན་ཡོད་པ་རེད། དེ་དང་ཆབས་ཅིག ཀྲུང་ལུགས་ཀྱི་གསེར་ཁབ་དང་འཕུར་མཉེད་སོགས་ཁྱད་ལྡན་སྨན་བཅོས་བྱས་ཏེ་དེ་གར་ཡོད་པའི་རྒན་རྒོན་ཚོར་སྨན་བཅོས་དང་། ལྟ་སྐྱོང་། རྒན་གསོ་བཅས་གཅིག་འཐུས་རྣམ་པའི་ཞབས་ཞུ་ལོངས་སྤྱོད་ཐུབ་པར་བྱས་ཤིང་། འདི་ནི་ལྷ་ས་གྲོང་ཁྱེར་སྤྱི་ཚོགས་ཕན་བདེ་ཁང་གི་བཅའ་སྡོད་སྨན་པས་རྒན་རྒོན་ལ་གསེར་ཁབ་རྒྱག་བཞིན་པ།