ཉེ་ཆར་ཧྲི་མའོ་རྒྱལ་ཁབ་གནའ་རྫས་རྟོག་ཞིབ་ཤུལ་བཞག་སྤྱི་གླིང་གི་སྒོ་བྱང་འགེལ་བ་དང་ཧྲི་མའོ་རྟེན་མཛོད་ཁང་སྒོ་ཕྱེ་བའི་མཛད་སྒོ་ཧྲའན་ཤིས་ཞིང་ཆེན་གཡུས་ལིན་གྲོང་ཁྱེར་དུ་འཚོགས་པ་རེད། ཧྲི་མའོ་རྟེན་མཛོད་ཁང་གི་འཛུགས་སྐྲུན་ཧྲིལ་པོའི་རྒྱ་ཁྱོན་ལ་སྨི་ངོས་གྲུ་12890ཡོད་པ་དང་འགྲེམས་ཁུལ་གྱི་རྒྱ་ཁྱོན་ལ་སྨི་ངོས་གྲུ་5943ཟིན་ནས་ཧྲི་མའོ་ཤུལ་བཞག་ནས་ཐོན་པ་དང་ཧྲི་མའོ་རིག་གནས་དུས་སྐབས་སུ་བྱུང་བའི་གཡང་ཌི་དང་། རྡོ་ཆས། རྫ་ཆས། རུས་ཆས། ཚོན་རིས་སོགས་རིག་དངོས་སྣ་ཚོགས་688འགྲེམས་སྟོན་བྱས་ཏེ་ཧྲི་མའོ་ཤུལ་བཞག་གི་གནའ་རྫས་རྟོག་ཞིབ་ཀྱི་གྲུབ་འབྲས་དང་ཤུལ་བཞག་གི་རིན་ཐང་ཕྱོགས་ཡོངས་ནས་མངོན་ཡོད། འདི་ནི་ཡུལ་སྐོར་བས་ཧྲི་མའོ་རྟེན་མཛོད་ཁང་དུ་ལྟ་སྐོར་བྱེད་བཞིན་པ།