འདི་ནི་དགུ་ཐང་ཤང་ཉི་རི་ཁ་ནགས་ཁྲོད་ཐོན་ཁུངས་མཉམ་ལས་ཁང་གི་ལས་དོན་པས་མོག་རོ་དབྱེ་འབྱེད་བྱེད་བཞིན་པ།

ཉེ་བའི་ལོ་ཤས་རིང་། ཉིང་ཁྲི་གྲོང་ཁྱེར་མེ་ཏོག་རྫོང་དགུ་ཐང་ཤང་གིས་ཐོན་ཁུངས་ཀྱི་ལེགས་ཆར་གཞི་ཚུགས་ཏེ་མང་ཚོགས་རླམ་རྩྭ་ཕོ་སུལ་དང་། མོག་རོ། ཀོ་ཤ་བཅས་འདེབས་འཛུགས་ལ་ཞུགས་པའི་ཧུར་སེམས་སྔར་བས་སྐོང་འཐེན་བྱེད་པ་དང་། “མཉམ་ལས་ཁང་+གྲོང་ཚོ་མཉམ་སྡེབ་+ཞིང་དུད”ཀྱི་གཉེར་སྐྱོང་རྣམ་པ་ཁྱབ་གདལ། ནགས་ཁྲོད་དཔལ་འབྱོར་འཕེལ་རྒྱས་ཤུགས་ཆེན་གཏོང་བ་བཅས་བྱས་ནས་འཕེལ་རྒྱས་གཏོང་སྟངས་གསར་པར་བརྟེན་ནས་སྲོལ་རྒྱུན་འདེབས་འཛུགས་ལས་རིགས་ཁྱད་ལྡན་ཐོན་ལས་ལ་ཕྱོགས་སྒྱུར་བྱེད་པར་སྐུལ་འདེད་བཏང་བ་མ་ཟད། ཐོན་ཁུངས་ཀྱི་ལེགས་ཆ་མེ་ཏོག་གི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་དང་མང་ཚོགས་འབབ་འཕར་ཕྱུག་འགྱུར་ཡོང་བའི་སྟོབས་ཤུགས་ཆེན་པོར་གྱུར་ཡོད།