འདི་ནི་ཚན་རྩལ་པུའི་ཚན་རིག་ཁྱབ་གདལ་སིའི་ལས་དོན་པ་དང་བོད་སྐྱོར་རིགས་གཅིག་མཁས་ཅན་གྱིས་འདམ་གཞུང་རྫོང་དུ་ཀྲུང་གོ་ཚན་རིག་ཁང་གནམ་མཚོའི་འཁོར་རྒྱ་དང་རིམ་པ་མང་བའི་ཕྱོགས་བསྡུས་ལྟ་ཞིབ་ཚད་ལེན་ཞིབ་འཇུག་ས་ཚིགས་དང་རྒྱལ་ཁབ་གློག་དྲ་ཀུང་སིའི་བོད་ལྗོངས་ཡངས་པ་ཅན་གྱི་ས་བབ་མཐོ་བའི་ཚོད་ལྟའི་རྟེན་གཞིར་བརྟག་ཞིབ་བྱེད་བཞིན་པ།

ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། རྒྱལ་ཡོངས་ཚན་རྩལ་ཁོངས་གཏོགས་ཀྱིས་སྲིད་ཇུས་དང་། རྣམ་གྲངས། མ་དངུལ། ལས་སྟེགས། ཤེས་ལྡན་པ་སོགས་ཀྱི་ཐད་ནས་རང་ལྗོངས་ལ་རྒྱབ་སྐྱོར་ཤུགས་ཆེན་བྱས་པ་དང་། ཚན་རྩལ་བོད་སྐྱོར་དང་ཚན་རྩལ་མཉམ་ལས་ཧུར་ཐག་བྱས་ནས་རང་ལྗོངས་ཀྱི་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་ལེན་པ་དང་། བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས་བཅས“དོན་ཆེན་བཞིར”དམ་འཛིན་ཡག་པོ་བྱེད་པ། གསར་གཏོད་དང་འཕེལ་རྒྱས་མགྱོགས་མྱུར་གཏོང་བ་བཅས་ལ་རྨང་གཞི་བརྟན་པོ་བཏིང་ཡོད།