འགྱིག་ཤོག་དྲོད་ཁང་ཆེན་པོར་བརྟེན་ནས་ཕྱུག་འགྱུར་ལམ་དུ་སྐྱོད།
མལ་གྲོ་གུང་དཀར་རྫོང་བཀྲ་ཤིས་སྒང་ཤང་རིན་ཆེན་གླིང་གྲོང་ཚོར། ཚན་རྩལ་ཆེད་མངགས་པ་བསྟན་བསོད་ནམས་ཀྱིས་གྲོང་གསེབ་ཏུ་གཞི་ཚུགས་པ་དང་དངོས་སྒྲུབ་འབད་འཐབ་ཀྱིས་འགྱིག་ཤོག་དྲོད་ཁང་ཆེན་པོར་བརྟེན་ནས་སྒྲིག་བཀོད་ཞིང་ལས་འཕེལ་རྒྱས་གཏོང་བ་དང་འབབ་འཕར་གྱི་ཐབས་ལམ་ཡངས་སུ་རྒྱུན་མཐུད་བཏང་བས། ཁྱིམ་ཚང་གི་འཚོ་བ་དེ་བས་ལེགས་སུ་ཕྱིན་ཡོད། 2008ལོར་ཚན་རྩལ་ཆེད་མངགས་པའི་འགན་ཁུར་ཚུན། ཁོང་གིས་གྲོང་གསེབ་ཐོན་ལས་འཕེལ་རྒྱས་ཀྱི་གོ་སྐབས་ལ་དམ་འཛིན་ནན་པོ་བྱས་ཏེ། ས་མཐོའི་ཞིང་ལས་ཀྱི་དོན་དངོས་ལ་གཞི་ཚུགས་ནས། ཚན་རིག་དང་མཐུན་པའི་འདེབས་འཛུགས་ཧུར་ཐག་བྱས་པས། འབབ་འཕར་ཕྱུག་འགྱུར་གྱི་བདེ་སྐྱིད་ལམ་བུར་སྐྱོད་ཐུབ་ཡོད།
ཉེ་ཆར། གསར་འགོད་པ་བསྟན་བསོད་ནམས་ཀྱི་འགྱིག་ཤོག་དྲོད་ཁང་ཆེན་པོར་སྐྱོད་སྐབས། དེའི་ནང་གི་ཤིང་ཏོག་དང་སྔོ་ཚལ་སྐྱེ་འཚར་བཟང་པོ་ཡོད། འགྱིག་ཤོག་དྲོང་ཁང་ཆེན་པོ་ལས་ཁོང་གི་འཚོ་བ་སྐྱེལ་སྟངས་ལ་འགྱུར་ལྡོག་མཐར་ཕྱིན་བྱུང་ཡོད་པ་རེད།
དེ་སྔ། བསྟན་བསོད་ནམས་ཁྱིམ་གྱིས་སྲོལ་རྒྱུན་གྱི་ཞིང་འབྲོག་ལས་ལ་བརྟེན་ནས་འཚོ་ཐབས་བྱེད་ཀྱི་ཡོད་ཅིང་། གཙོ་བོ་ནས་དང་པད་ཁ་འདེབས་པ་དང་ཕྱུགས་རིགས་ཁ་ཤས་གསོ་ཚགས་བྱེད་ཀྱི་ཡོད་པས། ཡོང་འབབ་བརྟན་པོ་མེད་ལ་འཚོ་བའི་ཆ་རྐྱེན་ཞན་ཙམ་ཡོད། དམངས་ཕན་སྲིད་ཇུས་ཁག་གི་རོགས་སྐྱོར་འོག་འགྱིག་ཤོག་དྲོད་ཁང་ཆེན་པོ་བསྐྲུན་པས་ཁོང་གི་ཡོང་འབབ་གསོག་པའི་ཐབས་ལམ་མང་དུ་ཕྱིན།
དེ་རྗེས། བསྟན་བསོད་ནམས་ཀྱིས་སེམས་ནུས་ཡོད་རྒུས་འདེབས་འཛུགས་ལག་རྩལ་ལ་བརྩོན་ཞིབ་བྱས་ནས། ཤིང་ཏོག་དང་སྔོ་ཚལ་རིགས་ཁག་ལ་གཡོག་བྱེད་ཚགས་ཚུད་པོ་རྒྱུག་ཡོད། འགྱིག་ཤོག་དྲོད་ཁང་ཆེན་པོར་ས་མཐོའི་གནམ་གཤིས་ཀྱི་ཚོད་འཛིན་མི་ཕོག་པ་བྱས་པས། དུས་མིན་ཤིང་ཏོག་དང་སྔོ་ཚལ་འདེབས་འཛུགས་ཐུབ་ནས། རྒྱུན་གཏན་འཚོ་བའི་ཤིང་ཏོག་དང་སྔོ་ཚལ་རང་མཁོ་རང་སྤྲོད་ཐུབ་པ་མ་ཟད། སྤུས་ལེགས་ཐོན་རྫས་ལ་བརྟེན་ནས་ཚོང་ལམ་རྒྱ་ཆེར་ཕྱིན་ནས། དཔལ་འབྱོར་ཡོང་འབབ་རྒྱུན་མཐུད་འཕར་ཡོད། དེ་དང་དུས་མཚུངས། ཁོང་གིས་དམངས་སྲོལ་དུས་ཚིགས་ལ་དམ་འཛིན་བྱས་ཏེ་ཁ་ཟས་སོགས་ལོ་གསར་གྱི་ཁྱད་ལྡན་ཉེར་མཁོའི་བཟའ་བཅའ་བཟོས་ནས་བཙོངས་པ་དང་ཡིད་རྟོན་གཉེར་སྐྱོང་བྱས་པར་ཚང་མས་གདེང་འཇོག་བཟང་པོ་བྱེད་ཀྱི་ཡོད་པ་མ་ཟད། ད་དུང་མཐའ་འཁོར་གྱི་ཡུལ་མི་ཐག་ཉེ་སར་ལས་ཞུགས་ཡོང་བར་སྐུལ་ཁྲིད་ཐུབ་སྟེ་མཉམ་དུ་འབབ་འཕར་བྱུང་ཡོད་པ་རེད།
སྣ་མང་འཕེལ་རྒྱས་བཏང་བ་བརྒྱུད། བསྟན་བསོད་ནམས་ཀྱི་ཁྱིམ་ཚང་ཡོང་འབབ་ལོ་རེ་ལས་མ་འདས་པར་ཇེ་མང་དུ་སོང་བ་མ་ཟད། འཚོ་བའང་ཇེ་ལེགས་སུ་ཕྱིན་ཡོད། སྡོད་གནས་ཁོར་ཡུག་ལེགས་སུ་རྒྱུན་མཐུད་སོང་བ་དང་། འཚོ་བའི་མཁོ་ཆས་འདང་ངེས་ཡོད་པ། བཟའ་སྡོད་འགྲོ་གསུམ་ལ་སེམས་ཁྲལ་མེད་པ། འཚོ་བ་བདེ་ཞིང་སྐྱིད་པ་བཅས་ཡོད་པས། དེ་སྔའི་ཆ་རྐྱེན་ཞན་པའི་འཚོ་བར་འགྱུར་ལྡོག་ཆེན་པོ་བྱུང་ཡོད་པ་རེད།
སྲོལ་རྒྱུན་གྱི་འདེབས་གསོ་ནས་ཚན་རྩལ་ཞིང་དར་བར་དང་། འཚོ་བའི་ཆ་རྐྱེན་ཞན་པ་ནས་བདེ་སྡོད་ལས་བརྩོན་བར། བསྟན་བསོད་ནམས་ཀྱིས་དངོས་སྒྲུབ་ལ་བརྟེན་ནས་མཛེས་སྡུག་ལྡན་པའི་འཚོ་བ་གཏོད་བཞིན་མཆིས།
འབྲེལ་ཡོད་གསར་འགྱུར།