ཉིན་ཤས་གོང་། ལྷོ་ཁ་གྲོང་ཁྱེར་རྒྱལ་ཁབ་ས་ཆ་སྔོ་འགྱུར་དང་ལྷོ་རི་བྱང་རིའི་སྔོ་འགྱུར་ལས་གྲྭའི（ལྷོ་ཁ་དུམ་བུ）ལས་འགོ་བསྐྱར་དུ་ཚུགས་ཡོད། ཟངས་རི་དང་། སྣེ་གདོང་། གྲ་ནང་། གོང་དཀར། སྣ་དཀར་རྩེ་བཅས་རྫོང་དང་ཆུས་ལྔའི་ཡུག་ཁུལ་ཁྱོན་72ཀྱིས་མུའུ་ཁྲི་12ལྷག་ཙམ་གྱི་ནགས་བཟོའི་ལས་འགན་བསྒྲུབ་རྒྱུ་ཡིན་པ་རེད།

ལྷོ་ཁ་གྲོང་ཁྱེར་ནགས་ལས་དང་རྩྭ་ཐང་ཅུས་ཀྱི་ཅུས་ཀྲང་དང་ལྷོ་རི་བྱང་རིའི་སྔོ་འགྱུར་ལས་གྲྭའི（ལྷོ་ཁ་དུམ་བུ）བཀོད་འདོམས་པུའི་གཞུང་ལས་ཁང་གི་རྒྱུན་ལས་ཀྲུའུ་རེན་གཞོན་པ་བསམ་གཏན་ནོར་བུས། ལྷོ་རི་བྱང་རིའི་2024ལོ་འཁོར་གྱི་ལྷོ་ཁ་ཡུག་ཁུལ（དུས་ཐེངས་གཉིས་པ）གྱི་ནགས་བཟོ་སྔོ་འགྱུར་ལས་གྲྭའི་ནགས་བཟོའི་ལས་འགན་མུའུ་96018.6ཟིན་པ་དང་ཁྱོན་མ་དངུལ་སྒོར་དུང་ཕྱུར་26.06བཏང་ཡོད། མིག་སྔར་མུའུ་ཁྲི་2.88ཀྱི་ནགས་བཟོའི་ལས་འགན་ལེགས་གྲུབ་ཟིན་པ་དང་། འཆར་གཞི་ལྟར་ན། 2025ལོའི་ཟླ་6པའི་ཟླ་མཇུག་གོང་ནགས་བཟོའི་ལས་འགན་ལྷག་མ་ལེགས་སྒྲུབ་བྱ་རྒྱུ་རེད་ཅེས་ངོ་སྤྲོད་བྱས།