ཀོང་ཏུང་ཞིང་ཆེན་ཡུན་ཧྥུའུ་གྲོང་ཁྱེར་རྒྱ་གྲམ་དམར་པོ་ཚོགས་པས་ཉིང་ཁྲི་གྲོང་ཁྱེར་རྒྱ་གྲམ་དམར་པོ་ཚོགས་པར་རང་འདོད་ཁོར་ཡུག་སྲུང་སྐྱོང་གི་འགྱིག་ཤོག་ལེན་སའི་འཕྲུལ་འཁོར་ཞལ་འདེབས་བརྒྱབ་པ།
ཉེ་ཆར། ཀོང་ཏུང་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པའི་སྨན་བཅོས་ཚོགས་ཆུང་གི་འབྲེལ་གཏུག་མཐུན་སྦྱོར་འོག ཀོང་ཏུང་ཞིང་ཆེན་ཡུན་ཧྥུའུ་གྲོང་ཁྱེར་རྒྱ་གྲམ་དམར་པོ་ཚོགས་པས་ཀོང་ཀྲོའུ་ལུའི་པའོ་དྲ་རྒྱ་འཕེལ་རྒྱས་ཚད་ཡོད་ཀུང་སི་དང་མཉམ་དུ་ཉིང་ཁྲི་གྲོང་ཁྱེར་རྒྱ་གྲམ་དམར་པོ་ཚོགས་པར“བཞུར་ཡལ་ཐུབ་པའི་ཁོར་ཡུག་སྲུང་སྐྱོང་གི་འགྱིག་ཤོག”དང“རང་འདོད་འགྱིག་ཤོག་ལེན་སའི་འཕྲུལ་འཁོར”ཆ་ཚང་10ཞལ་འདེབས་བརྒྱབ་ནས། ཉིང་ཁྲི་གྲོང་ཁྱེར་གྱི་རྫོང་རིམ་པ་དང་དེ་ཡན་གྱི་གཞུང་བཙུགས་སྨན་ཁང་ལ་སྤྲད་པ་རེད། བྱ་སྤྱོད་དེ་ལས་འགྱིག་བཀག་སྲིད་ཇུས་དང་ལེན་ཧུར་ཐག་བྱེད་ལུགས་མཚོན་པ་མ་ཟད། ཀོང་ཏུང་དང་ཉིང་ཁྲིའི་ས་གནས་གཉིས་ཀྱི་རྒྱ་གྲམ་དམར་པོ་ཁོངས་གཏོགས་ཀྱི་མཛའ་མཐུན་མཉམ་ལས་འབྲེལ་བ་དེ་བས་ཟབ་ཏུ་འགྲོ་བར་སྐུལ་འདེད་ཀྱང་བཏང་ཡོད།